منقول ..
فكرت كتير ليش بيريز ما عم يدخل السوق !!
معقول بيريز بخيل ولا خرف متل ما عم يحكوا عنو ؟
قعدت وحطيت ورقة وقلم وقلت أشوف الفريق شو ناقصو ؟!
لاحاول افهم شو القصة مع بيريز !!
--
بالحراسة ((
كورتوا ,, نافاس ,, لونين ,, كازيا ,, لوكاس زيدان ))
كورتوا صفقة رائعة وبسعر أقل من عادي وحارس ممتاز ومفيد جدا للفريق
نافاس حارس جيد ومفيد للمنافسة مع كورتوا
لونين حارس للمستقبل وبراهن عليه بكل صراحة
--
الظهير اليسار((
مارسيلو ,, ريغويلن ))
مارسيلو الظهير اليسار رقم واحد بدون مبالغة او عاطفة
ريغويلن براهن عليه انو هو ناتشو تاني واللي شافو بالوديات بيعرف عن شو عم بحكي
--
الظهير اليمين ((
كارفاخال ,, اودريوزلا ))
كارفاخال الظهير رقم واحد حاليا والكل بيتمنى يكون عندو هيك لاعب
اودريوزلا اللي تابع هاللاعب بيعرف انو خير بديل لكارفاخال
--
قلوب الدفاع ((
راموس ,, فاران ,, ناتشو ,, فايخو ))
راموس القائد الحقيقي للريال روح الريال باختصار
فاران ممتاز بعدة امور بتخلي اي نادي يتمنى هيك مدافع
ناتشو جوكر الريال وين ما لعب بكون نجم
فاييخو الاصابات مع هاللاعب ما عم بفهما لوما هيك الو مستقبل كتير كبير
--
وسط الارتكاز ((
كاسيميرو ,, ماركوس يورنتي ))
كاسيميرو شفنا مع البرازيل لما غاب شو صار لاعب هو وكانتي افضل ارتكازين حاليا بكل العالم
ماركوس يرونتي رائع تحت الضغط بيعرف يراوغ ويسلم ويستلم ناقصو الاستمرارية باللعب
--
وسط الملعب ((
كروس ,, لوكا ,, ايسكو ,, سيبايوس ))
كروس ولوكا مافي كلام عنون وما في كلمة تعطيهن حقن هنن سبب القاب الريال الاربعة بالشامبيونز
ايسكو رائع بس عندو مشكلتين خطيرتين مزاجي واحيانا اناني
سيبايوس مع الاستمرارية رح تعرفو انو الو مستقبل كبير
--
الأجنحة ((
اسينسيو ,, بيل ,, فازيكز ,, فينسوس ))
أسينسو افضل شاب حاليا مع امبابي وديمبلي
بيل هالسنة الاعتماد عليه يكون الحاسم بالفريق
فازكيز ايمت ما بتنزلو بيعمل اضافة بالفريق وبكون ايجابي غالبا
فينسوس بيلزمو الوقت للاندماج والتاقلم مع بيئة جديدة عنو
--
الهجوم وهون المشكلة ((
كريم ,, مايورال ))
كريم ما بدي احكي شي وتصير حرب كونية وينتسى الموضوع بسببو
مايورال مهاجم متوسط بصير تنزلو اخر عشر دقايق اذا فريقك ربحان وتريح مهاجمك
بعد ماشفنا التشكيلة الحالية حراس روعة وافضل اظهرة ودفاع وخط وسط بالعالم عنا
اجنحة ممتازة وسريعة وبتعرف تراوغ وتصنع لعب وبتجيد التسديد
بقي عنا مشكلة خط الهجوم الريال لازمو مهاجم قناص ينهيلك انصاف الفرص ,,
هالصفات متواجدة بالمهاجم رقم 9 المتاحين للريال ب هاري كين وامبابي اذا اعتبرنا مهاجم رقم 9 وايكاردي بشكل أقل
ليفا ما بدو يترك البايرن وعمرو فوق ال 30 انسيناه
هاري كين سعرو فوق ال 200 مليون على اقل تقدير برأي اي متابع رياضي بتضمن هيك لاعب يشيل الريال ؟!
ايكاردي سعرو فوق ال 100 مليون بس عندو مشاكل مشابهة لنيمار بوكيلة اعمالو وعندو مزاجية باللعب
امبابي سعرو فوق ال 200 مليون رائع مالو اي عذر فني بس في مشاكل غير فنية
باريس ما بيتركو والمشكلة الكبيرة هي راتبو معقول الريال يجيبو ويعطي راتب وهو بهالعمر فوق راتب راموس ولوكا اللي هنن صاحبين اعلى رواتب بالنادي ؟؟!!
من بعد التفكير الطويل لقيت بيريز على حق الريال مو وضعو سيء لهالدرجة اللي تخليك تنزل وتشتري بجنون وبأرقام فلكية ,,
صح الجمهور متعود على صفقات نارية تخلي الاعلام يتغنى فيا بس هالشي مو بكل وقت
كل وقت الو حكمو وطريقتو واعرافو
بيريز عم يدور على الاستمرارية حاليا بمجاراة اندية الدول متلو متل البايرن صح غلط هالتصرف ما منحسن نحكم ,,
الريال من سنوات ما عم يشتري وعم يحصل على ألقاب قوية ومهمة ,,
هالسنة منطقيا وواقعيا وعمليا تركيزو داخلي اكتر من خارجي بحكم الاسباب والظروف ,,
الشغلة التانية المهمة المواهب قليلة بشكل كتير كبير لهيك الطلب عم بكون أكبر باضعاف مضاعفة من العرض ,
بيريز مو غلطان اذا هالسنة ما جاب نجم سوبر هالسنة فرصة كبيرة فرصة ذهبية لجاريث بيل ,,
هالسنة فرصة لاسينسيو خيالية وبتوقع رح يستفيد منا ,,
لهيك انا مالي شايف بيريز عم يقوم بأخطاء كبيرة مؤثرة بالفريق ,,
كل انسان فينا بيشتغل وبيغلط
كل انسان فينا الو وجهة نظر