DeletedUser
Guest
إن روعة البيان وسحر الكلام ليعجزان عن التعبير في هذا الحساب لأنه تحدث فيه الكثير وطوقته الأقلام أكثر من مرة وما أنا إلا قطرة في بحر أحاول أن أستعير بلاغة القول وسحرا لأداء وروعة الحساب لأعبر عن كل ما في صدري وتنطق به مشاعري وإنه ليسعدني أن أجول بفكري وعقلي متحدثاً في هذا الموضوع الشائق
اولا ما هدف الحساب و دخولة الى عالم 27 ؟
كان هدف الحساب وهدفي من هذا الحساب هو اني ادخل اسخن و اطقطق فيه على اساس اني راح ادخل بكل قوتي في عالم 28 , بعد سحبة اكثر من سنه , وكنت العب بدون مبالاة في 27 ومو خايف من شي وكنت انضر للحساب نضرة الكيكة , وكنت اعتقد اني مجرد كيكة جابت فوائدها وسخنتني وصبرتني وعرفت التعديلات اللي صارت على اللعبة والتحديثات .
سبب تسيمة الحساب بـ eewallkn ؟
سبب التسمية جاء لسبب واحد وهو اني راح أنزل كيكة في هذا العالم لاني نسيت اغلب الاشياء مثل ما ذكرت سابقا , لذلك ماراح ادخل بحسابي الأساسي و يسموني الناس كيكة ولا تطيح هيبتي هذا ان وجدت في عالم جديد , ف خليت الاسم مقلوب -للدلالة الكيكية- يعني الحساب مجرد طقطقة وتسخين و احتلوني ان استطعتم , وبما اني مسوي موضوع خلني اقولكم سالفة ال nkllawee ليش ال -K- بدون -H- بما انه حرف -الخاء- , كنت صغير وققتها و مع اني اعرف ان ال -kh- يعني -خاء- بس ليش ما سويتها ما ادري ! , والحمد لله محد كان يسألني لييش يدرون فيني عربي ما يشرهون .
فترة و موعد البداية في العالم !
بدأت اللعب في الحساب بعد شهر تقريبا او اقل من بداية عالم 27 , يعني كنت متأخر كثير عن العالم , وبدأت بالمهمات و الاشياء الجميلة اللي كنت اذكرها واطبق اللي اتذكرة و العب لحالي بدون كوبلاير لاني مو مهتم للعالم , وكان بعض اصحابي يلعبون هذا العالم وانا لحسن الحظ في القارة نفسها , بعدها تحمست شوي للعالم ورحت استفسر لأصدقائي عن اي شي ناسيه وابي اعرفة ,كتبت فالقروب وكان زكريا -elcharro- موجود وشافني متحمس لذلك تحمس وقالي هات الرقم والاسم اشيك على حسابك , دخل وطلع ما ترك شي الا وكتبه , كتب لي اهم الاشياء فالبداية الصحيحة وطرق النهب و ايش اسوي -تبارك الحساب- بعدها نصحني بأحد كوبليراتة المفضلين , صالح - ولاية بني ياس - وهذا صديقي ورحت كلمته وقال اني معتزل من زمان وكذا , المهم اقنعته غصب وجا معي , وكان هدفه الاساسي والوحيد هو النهب والنهب واحيانا النهب , و جانا الكوبلاير الثالث , فهاد -Tw.vip- كان كوبلاير كفو مهمته يسولف ويشوف ارقام الحساب وكيف وضعه وتطوره و يترك الججيش يبيض بعدها انا ادخل من الهاتف و احرك الجيش , و هو المصدر لنقاط العضوية الخاصة كان يوفر للحساب نقاط ونحرق نحرق , و كان Mr.FiRe صديقي قريب مني لذلك دعمني بجيشة وجلست انهب منه , مع العلم كان فهاد وصالح يعرفون اني داخل اطقطق وهم مثل الشي دخلو يطقطقون معي مقابل سريتي التامة وعدم الفصح بأسمائهم .
#قصة جانبية مرتبطة
لما كنت في طريقي السليم طلبت مساعده من اصحابي اللي يلعبون في عالم 27 و مرو بمرحلتي هذي من فترة بسيطة جدا , حمزة -Mr.Law- و أبو عسرة -IconiC- , عطيتهم عدد مستويات المباني عندي وكان وضعي سليم ومب عارف ايش اطور , واحد منهم مدري مين بالظبط فيهم قالي طور الاسطبل الى 20 , قلت له طيب وباقي الاشياء ما اطورها ؟ قال لا , طور الاسطبل الى 20 , وكان حسابي بعده ما وصل الى مرحلة اني اطور الاسطبل 20 ! , صدقتة وجلست اطور وانا في نصف طريققي لتطوير الاسطبل الى 20 دخل زكريا حسابي وشافني اطور فيه وانقذني من هذي المصيبة - كتب لي بعدها ايش اسوي - .
قبيلة zero هي المأوى الوحيد في القارة !
قررنا ندخل هذي القبيلة الكبيرة الشيقة الواسعة المهم , فأحترنا بشي صعب جدا , كيف ندخل ؟ طيب سهله ندخل عادي عندنا واسطة بس من طرف مين ندخل ؟ احنا كنا 3 اشخاص بالحساب لذلك قررت انا اكلم حمزة و ابو عسره يتوسطون لنا ندخل القبيلة , كلمتهم . و صالح عندة واسطة اخرى -أميرة الورد ساكورا- كتب لها رسالة نصية من فقرة واحدة تتكون من 15 سطر وتطلب الانضمام للقبيلة ! , بس ما كانت على الحساب , فهاد انت مين واسطتك كانت ؟ المهم كلمني زكريا قال انه يعرف حسام codm -ملك قبيلة zero- و قال قله انك من طرفي ويدخلك , وبالفعل دخلنا القبيلة والقيادة فقط على علم بواسطتنا . ومن اي طرف جأنا نحن , و انا الوحيد المعروف فالحساب , مايدرون مين معي حتى حسام ما يدري .
مشكلة البصقة مع احد اعضاء القبيلة !
قرر احد الكوبليرات يفتح موضوع تعريف بالاشخاص فالحساب , وذكر فالموضوع اللي بدأ بـ "بعد البصق على من يقرأ هذا الموضوع " ذكر فيه ان النخلة هو صاحب هذا الحساب , و كتب ايضا بعض التعريفات عن نفسه وعن الكوبلاير الاخر بدون ذكر اسمه واسم الكوبلاير , انا الوحيد المعروف وانا صاحب الحساب , لذلك جاء نفسية تحسس من هذا الكلام و تضارب مع الكوبلاير على اساس انه انا , طيب انا بريء ! وما كان احد يعرفني فالقبيلة غير 2 وصعبة يتقبلون هذي الجملة الا اذا كانو ناس كويسه مثلي , فصار هذا الشخص يكرهني ويكره شي اسمه نخلة و بعض اللاعبين ايضا تحسسو مني وقالو مين ذا النخلة اللي يبصق علينا !! وما حبوني مع اني ما سويت شي ههههههههه , بس بعدها عدلت الوضع وصار الكل يحبني شكرا لهم .
مشكلة قرية -اميرة الورد ساكورا -
البنت كانت بتسحب على العالم لبعض الضروف , قررت تهدي قريتها لمدري مين , طبعا قرية مثل قريتها في بداية العالم تحصلها يعني انك حصلت على افضل كنز في العالم كله , قرية نقاطها حلوة و ثكنتها واسطبلها ومواردها كفو , لذلك كل الناس صارت تبي قريتها , الا انا مو مهتم لاني داخل اطقطق , فتكلمو حمزة وابو عسرة عن القرية وانهم راح يحتلوها , جاء فهاد قال لهم : تتحدوني اني اخذ القرية لحسابنا ؟ فكان خطأ حياتهم انهم تحدوة , وبالفعل بدأنا نطلع الاكادمية , وقتها كان ماهو الوقت المناسب للأحتلال تو الناس احنا متأخرين , المهم واحنا نطلع الاكادمية و فهاد تفاهم مع ساكورا و اخذ منها اذن الاحتلال , قام احد الشباب وارسل قطارة بدون اذن بس لسبب ان ساكورا او كوبلايرها وافق على اهدائة القرية سابقا , فقام الكوبلاير Max Mara او ساكورا نفسها بفتح موضوع قنص القطار في المنتدى و خلال دقائق اختفى الموضوع , واحد من المتعاونين حذفة ! ولكن احد الشباب ما شاء الله عليه لقط صورة للموضوع ونزلها في قروب السكايب . طيب القرية لنا الان ايش وضعك ؟ كبر الموضوع وصل للأدارة والناس تقول مين ذا النخلة اللي ياخذ قرية ساكورا !! فالادارة قررت تقنص القطار و تشاورو و طلع ان القرية هي احق لي وانا المستحق لهذه القرة الجميلة من صاحبتها , ضل الاخ هذا اللي كان بياخذ القرية يكرهني لاني اخذت القرية هذي , طيب انا صاحب الحساب لكن مو انا اللي اخذت القرية هههههههههه !
#معلومة , واحد من الشباب خفظ لنا الولاء و احتلينا القرية , وهذا سبب اخر يخليهم يحقدون اكثر هههههههه !
#معلومة , مابيني وبين اميرة الورد ساكورا اي علاقة صداقية ولا اخوية ولا احتكيت فيها , بس بعد فترة طويلة تعرفت عليها
#معلومة , جاسم GzRT هو اللي أرسل هذا القطار .
[SPOIL]
وضع الحساب المتأخر على العالم !
طبعا بدأت بعد شهر وطبيعي اني راح اكون اخر لاعب من ترتيب القبيلة , يب كنت اخر لاعب فالقبيلة ومن باب المزح كان يسميني حسام , مؤخرة القبيلة وانا كنت اقولة اني راح اطير فوق بأذن الله , طبعا بداية ارتفاعي كانت على 3 اشخاص ارتفعت فوقهم و بهذا الوقت صار تنافس بيني وبينهم , اللي ترتيبه اعلى مني خايف اتعداه و اللي ترتيبة اقل يبي يرتفع فوق ترتيبي , ولكن لحسن الحظ كنت جدير بالارتفاع في الترتيب وتعديتهم , والجماعه شكو فيني وجوني يحققون انت كيف كذا ؟ كيف ترتفع ! كم حرقت نقاط ؟ ايش سويت ؟ طبعا الكل يعرف اني مهايط لذلك هايطت عليهم و تفلسفت ومن حقي اصلا هههههههه , لكن هذا كله بفضل الله و الكوبلايرات والنهب اللي ما يوقف .
# هذي بعض الصور للاعبين الي تعديتهم في الترتيب
هنا حسام جلس يستهبل على اللي شافة من ردود اللي تعديتهم فالترتيب
هنا حسام جلس يستهبل على اللي شافة من ردود اللي تعديتهم فالترتيب
الفترة الوسطى للحساب
كان الحساب لا بأس فيه و كفو الحساب من ناحية توزيع القرى على القارة بحيث ان مافي قرى متقاربة ابدا , كنت العب لحالي فالحساب سحبوا علي ووقتها كل يوم اقولهم يرجعون وابحث عن كوبلاير وما لقيت , فدخلت المنتدى لقيت اوزوماكي ناروتو ساما منقهر من انارش لانهم نزلوه كيكة ووقتها ايضا انا اكره انارش واحقد عليها لانهم نزلوه كيكه بطريقة بشعة وبنفس الوقت يتكلمون مع قبيلتي كأنها بنفس مستواهم ! ياااااااااااحبيبي !!! المهم قررت ادخله للحساب ويكون فوق راسهم اهم شي اقهرهم , عطيته ذي الفرصة الذهبية , جاء وقت اوب و الاخ اوزوماكي نكبني ونكب الحساب وعفس ام الدنيا و رسل كل الجيش وهمي والباقي رسلهم فالاوب وماتو , و الغريب فالامر انه تأخر عن الاوب مدري كم ساعه و هجماته في حماية الليل ! بس شكرا له انسان طيب وحبيته . وبعدها كرشته من الحساب و بنفس هذا الاسبوع حدث انفجار قوي بسبب ازدحام احد الحسابات من الكوبليرات اللي كان عددهم 6 وكل واحد يبي يدخل -من العصر الى الليل- و اسفر عن انسحاب و اصابة طفيفة الى GzRT وماكان عنده مأوى و آويته في حسابي , بعدها القى نضرة على الحساب وقال -حسابك ممتاز- طبعا فرحت وقلت #دي بشرة خير . ملاحظة : هنا بدأت علاقتي مع جاسم , ما كنت اعرفه ولا يعرفني شخصيا .
الفترة النهائية للحساب
ضبطنا الجيش والقرى واحتلينا بربريات وطورناهم انا و GzRT عشان نستعد لأخر حرب في العالم , وكان حسابنا احد الحسابات القوية اللي راح تشارك فالحرب وترتيب الحساب اضن كان 15 على العالم , وفترة الاستعداد كنا نحتل قرى بربرية على خط النار ونطورها وندرب فيها استعدادا لما سنواجهة , بدأت الحرب و بدأ اول اوب لنا اللي هز انارش , بعدها بدأنا شغل فردي واحتلالات فردية , وانا كان وضعي وضع صاحب الحساب فقط , كنت اخذ الاوامر من جاسم و اسوي اللي يقولي عليه , درب هنا ارسل جيش هنا بيرجع جيش من هنا ارسل نبيل هنا , كان كل شغلنا متكل على نيوك دفاعي واحد , ندرب فيه نبلاء ونسترجع اي قرية يحتلونها و نحتل ايضا قرى ننضفها من قرى بعيدة كله بهذا النيوك الدفاعي الشريف , شغل جاسم كان شغل جبار . والان حسابنا منتشر في كل قارات الكور والقرى متباعدة بس للأسف كان في خصم محتل قرى قريبه من بعض و اضطرينا نحتلهم . وترتيب الحساب وصل 6 على العالم بسبب احتلالاتنا لأنارش . و الثالث في الهجوم , وكان حلمي اخذ انجاز ناهب اليوم وسارق اليوم ومدافع ومهاجم , هذا كان صعب جدا على حساب متأخر على العالم ولكن الفتره الاخيرة صار سهل , اخذت هذي الانجازات ولله الحمد , و الان الاخ Mr.FiRe دخل معنا الحساب وناوين على التوب 3 و دعواتكم .
نضرة القبيلة للحساب كيف كانت وكيف اصبحت ؟!
كان الحساب ملقب بـ -مؤخرة القبيلة- حسب تسمية حسام ملك zero و الحساب ما منه اي فائدة تقريبا و في المرحلة الوسطى مثل الشي قال حسام -ماشفت منك غير الهياط ورني شي ينفعنا- طبعا حسام هنا يقصد التحفيز ويحفز ويخلق روح جديدة بطريقة حلوة , وفي الفترة النهائية بدأ ظهور الحساب وكان من الحسابات المهمه للحرب و كان يعتمد علينا حسام في اختيارة لنا الاهداف الصعبة من فترة النصف للحساب حتى الفترة النهائية . بعد انهزام قبيلة انارش حسام قالها " حسابكم من افضل الحسابات على قارة 44 " . بما معناة بأن هدف الحساب تغير من طقطقة الى انهاء عالم بدون اي ارادة او تخطيط !
صاحب البصمة الكبيرة في الحساب
جاسم GzRT دخل في الفترة الشبه نهائية للحساب وكان من اهم اعمدة الحساب رتب الحساب ترتيب ماهو طبيعي لعبة احترافي والان الناس تتضارب عليه يبونه كوبلاير بعد اللي سواه في حسابي , كان يخطط لكل كبيرة وصغيرة فالحساب و يشتغل شغل جبار عدد القرى اللي احتلها اكثر من عدد القرى اللي انا احتليتها من بدايتي رفع ترتيب الحساب بشكل خرافي بعد ما كان ترتيب الحساب في التوب 30 وصله للتوب 10 و كان اي هدف يمسكه ما يرحمة , اي قطار يفشل ما يتركه , يرجع ياخذ القرية بالقوة و اللي سواه في انارش شي خطير كان هو له الدور الاكبر في الحساب والحرب ضد انارش وقتها انا كنت اتبع تعليماته , هو صاحب النيوك الدفاعي اللي هز انارش وما خلى قرية الا احتلها , هو صاحب الاحتلالات المهينة للاعبين انارش , جاسم صاحب جملة " كان غيرك اشطر " هذي الكلمه اذا قالها لأحد اعتبر الوضع في يد جاسم , كان في نفس وقت الاحتلال يلعب في نفوس الاعداء يدخل المنتدى ينزل صورة مهينه للعدو و ما احد يسترجل قدامة !
#هذي اقتباسات توضيحية لما كتبته في الاعلى
[SPOIL]
عينك على مكافئة الليل :163:
يا جماعة ماينفع كذا نبي شوية منافسة
بكرة بجرب احنل نبيل رايح جاي ممكن القى تصدي شي
ترى كان بالقرية 500 فاس و 200 خفيف لاكنه هربها قبل وصول نبيلي
اصلا من اول ماتشوف النبيل منقص 35 الولاء تعرف انه صناعة سويسرية اصلية
انارش لو ضاقت الدنيا فيكم ارسلولي دعوة واسحب فيها على حسام واجي معكم :122:
[/SPOIL]
[SPOIL]
[/SPOIL]
المزح zero في قبيلة zero !
بعد رجعتي للعب في حرب القبائل هذي هي القبيلة اللي لعبت فيها وبدأت صفحتي الجديدة فيها , بعد ما كنت في قبائل اخرى اغلققت العالم وهي قبائل مشهورة ولاعبين مشهورين و كل هذي القبائل اللي دخلتها المزح فيها يسمح وبدون حدود وانا من طبعي امزح وبحدود و كل القبيلة تمزح وترمي كلام على ناس ما تعرفها بس في سبب يخليهم يمزحون ويتقبلون المزح " قبيلة واحدة " , لكن قبيلة zero المزح فيها زيرو على اسمهم ! كان المزح معهم صعب جدا و كل شوي يجيني تحذير من ملك القبيلة نفسه لين ما تعبت انا وقلت خلاص ببطل مزح واستهبال ما بشارك فالمنتدى ! بعد فترة شافو الشباب مشاركاتي ومواضيعي ماعادت موجودة ! واضن حن قلبهم هههههه فطلبو مني انزل مواضيع و احرك المنتدى , والملك مثل الشي يطلب مني احرك المنتدى اذا خمل , افتح موضوع امزح ونضحك , فقررت اسوي قسم خاص للناس اللي تتقبل المزح بدون حدود , اخذت صلاحيات مشرف منتدى فتحت قسم " قله الادب و الانحطاط " طبعا هذا القسم ماهو للأمور الجنسية , كتبت موضوع تعريفي عن القسم هذا وفائدته , اي احد ما يتقبل مزح لا يدخل هذا القسم ابدا , و لحسن الحظ القسم جاب نتيجة وهي كل القبيلة تشارك فالقسم و متقبله المزح ! المزح صار شي طبيعي !
قيادة قبيلة zero !
بما اني دخلت القبيلة بواسطة كونها قبيلة لاعبين محترفين وقيادة محترفة ومتمرسة فصعب تدخل معهم الا اذا كنت مشهور او محترف , والنخلة ما احد يعرفة , حسام الان على علم بأني جيت بواسطة زكريا يعني على الاقل مريت بمراحل صعبة وقوية و عندي خبرة و هو وثق فيني , جاء لي يسولف بشكل طبيعي و سألني من اي عالم العب قلت له عالم 2 وكنت وكنت وكنت < جبت له شوية بطولات مع هياط , فكنت مستغرب منه ايش هذا التواضع سبحان الله ! اللي اخبره ان اي احد يمسك صلاحية خلاص يصير حقير ! , بس حسام هذا ليش محترمني دامني اهايط عليه واتفلسف ولا اعرفه ولا يعرفني ! قلت يمكن عشان الواسطة ؟ بعدها اتضح الامر ! انه انسان محترمم وفاهم و هذي طبيعته مع كل القبيلة , ماهي معقولة كل القبيلة واسطة هههههههه , كان يحسب الف حساب للأوبات ويناقشها واجتماعات ورجل ديمقراطي بصراحة , اي كيكة تنزل يوزعها , اي حساب يهدونه لنا الاعداء يوزعه , اي احد يخالف يعاقبه , اي احد يخسر في الاوب يعوضه على حسب خسارتة وحجمها , يشتغل ليل ونهار و اكثر من حرب دخلها بثقة ما شاء الله , اسعدني هالقائد بصراحة وانا سعيد جدا جدا كوني لبعت تحت قيادتة في رجعتي , وبما انه اسعدني وانا بفتح موضوع لحسابي فلازم اجيب طاري حسام , له فضل كبير والله , كان يسامحني في كل مشكلة ويعطيني فرصه هههههههههه احسه ما يعاقب اصلا . عمر الرشيقي ايضا قائد وما راقبت تحركاتة جيدا بس انه مب كويس ويعاقب و يعصب ويزعل على عكس حسام , طبعا هم ثنائي ممتاز لازم واحد طيب وواحد شرير مثل عمر , عمر محبوب لكنه يتحسس وانا في اي مووضع اجيب طاريه فحبيت اجيب طاريه هنا بعد .
#ملاحظة : مارحت كلمت القيادة مباشرة بشأن الانضمام للقبيلة بسبب ضني بأن الرد على رسالتي سيكون وقحا , حفظا لكرامتي لم اقم بمراسلتهم في هذا الشأن .!
الاشخاص المشاركين فالحساب وحالتهم !
ِAlnkhllawii : ينهب و يهايط فقط , مستمر فالحساب
ولاية بني ياس : خطير في البدايات وخبرة في البدايات الصحيحة وقاعدة كبيرة للحساب , سحب
Tw.vip : يهايط فالرسائل و المنتدى ويسبب مشاكل و يجيب نقاط للحساب و المخطط المستقبلي للحساب من ناحية القرى المستقبلية , سحب
elcharro : يوجه الحساب ويثبته على الطريق الصحيح , سحب
اميرة الورد ساكورا : فهاد اعطاها الرقم السري و كانت تدخل وانا ما ادري و ما اعرف ايش سوت بس اهدتنا قريتها الجميلة , سحبت
Fixer : دخل يحرك المزارع فالمبنى الرأيسي للأعلى , سحب
GzRT : جلد انارش جلد , نتفهم تنتيف واحتلهم بكل الطرق المهينة , مستمر
Mr.FiRe : دخل معي الان وناوي على التوب ,ولا ننسى انه فتح حسابه لي مزرعه في بداية العالم , مستمر
#بعض الصور للحساب وقصصهم .
ظهور القوة التدميرية لحساب النخلة بعد انتهاء الحرب بساعات معدودة حيث صعد من التوب 25 كمهاجم لتوب 3
[SPOIL]
خبرة الزمن
[SPOIL]
الضحية الأولى كانت من عملية فردية تحت قيادة حساب النخلة العظيمة
[SPOIL]
[/SPOIL]
[SPOIL]
يومين فقط كانت كافية لنتفة
مع عالم سرعتة 1 وممنوع الدعم خارج القبيلة وحساب كله على خط النار
31 قرية على خط النار
[SPOIL]
يومين فقط وبدأنا ببدل فاقد
[SPOIL]
تحرك فردي بمنتصف مكافئات الليل من حساب النخلة العظيمة ادى لتعطيل اغلب قراه بمنطقة واحدة و ينتج منه 4 قرى بيوم وانتهى الأمر بطردة من القبيلة بعد الهزيمة الساحقة بعد ترقيتة لقائد بوقت قياسي 4 ايام فقط من تعيينة !
[SPOIL]
مب حساب النخلة العظيمة الي يخشى المكافئات
[SPOIL]
هاذي الصورة كانت ترحيب له بمناسبة انه اصبح احد قادة انارش
[SPOIL]
الخطة المستخدمة بالتحرك الفردي
[SPOIL]
حبيت ازرع العنصر النسائي في القبيلة ولكن !
[SPOIL]
للأمانة هنا ما كنت ملك , ولكن السبب عند حسام !
[SPOIL]
[SPOIL]
احصائيات حساب النخلة العظيمة
احصائية الحساب و 3 حسابات انارش
[SPOIL]
Side 1:
Players: eewallkn
Side 2:
Tribes: ANaRcH
Players: SATAN, Grinof, الفدائي
Timeframe: في خلال 3 شهور
مجموع عمليات الاحتلال:
الفريق الاول: 112
الفريق الثاني: 586
الفرق: 474
مجموع عمليات الاحتلال بين كلا الفريقين:
الفريق الاول: 51
الفريق الثاني: 8
الفرق: 43
مجموع نقاط عمليات الاحتلال:
الفريق الاول: 850,068
الفريق الثاني: 2,811,795
الفرق: 1,961,727
مجموع نقاط عمليات الاحتلال بين كلا الفريقين:
الفريق الاول: 388,989
الفريق الثاني: 72,746
الفرق: 316,243
للأسف الإحصائيات للاعبين الذين لم يحذفو من العالم لذلك قائمة كبيرة من لاعبين انارش لم يظهرو بالقائمة
فقط 3 لاعبين ظهروا
القائمة كاملة هنا
http://ae.twstats.com/ae27/index.ph...n=-1&type=gain&enemy=-1&enemyt=-1&min=0&max=0[/SPOIL]
احصائية الحساب و قبيلة انارش
[SPOIL]
Side 1:
Players: eewallkn
Side 2:
Tribes: ANaRcH
Timeframe: من البداية
مجموع عمليات الاحتلال:
الفريق الاول: 143
الفريق الثاني: 1,248
الفرق: 1,105
مجموع عمليات الاحتلال بين كلا الفريقين:
الفريق الاول: 14
الفريق الثاني: 7
الفرق: 7
مجموع نقاط عمليات الاحتلال:
الفريق الاول: 997,103
الفريق الثاني: 5,236,231
الفرق: 4,239,128
مجموع نقاط عمليات الاحتلال بين كلا الفريقين:
الفريق الاول: 98,752
الفريق الثاني: 65,314
الفرق: 33,438
[/SPOIL]
#النهاية و معلومة لكل معارفي واصدقائي
اشكركم على قرائة الموضوع , و ادري نسيت اشياء كثيرة واسماء والمعذرة , هذا الحساب هو اول حساب لي أكمل فيه عالم في حرب القبائل من عام 2009 الى الان , لذلك حبيت افتح الموضوع واذكر اغلب الاشياء اللي صارت فيه مع انه اغلبة قد يكون مدح من وجهة نضرك لكن الموضوع هو عن حسابي ومن شارك فيه , اشكر الله و كل من ساهم وساعد في اكمالي لهذا العالم و اشكر قبيلة zero فرد فرد و قيادة القبيلة , سيكون حساب " eewallkn " اول حساب اكمل فيه عالم , و قبيلة " zero " اول قبيلة اكمل معها عالم .
وهكذا لكل بداية نهاية ، وخير العمل ما حسن آخره وخير الكلام ما قل ودل وبعد هذا الجهد المتواضع أتمنى أن أكون موفقا في سردي للعناصر السابقة سردا لا ملل فيه ولا تقصير موضحا الآثار الإيجابية والسلبية لهذا الموضوع الشائق الممتع ، وفقني الله وإياكم لما فيه صالحنا جميعا .
شكر خاص لمصمم الهيدر GzRT
