DeletedUser115
Guest
بسم الله الرحمن الرحيم ..
- المفروض المقابلة مع : sparkly لكن ! تم إلغاء مقابلة : sparkly -
استكمالاً لسلسلة مقابلات الشخصيات البارزة بعالم 3 نقابل اليوم Vuddy
انسسان غني عن التعريف
اطول وامتع مقابلة للان
على الرغم من ان البعض شكك في كون الضيف سيجب لكن الضيف اجاب شخصياً لو كنت واحد من الي توقعوا هالشي ماراح اشارك بالمنتدى لمدة اسبوع على الاقل الا اذا كنت انسان بجييح فهذا شي ثاني !
على الرغم من اتهام البعض ان الاسئلة ماراح توصل للضيف واني انسان متحيز وعلى الرغم وعلى الرغم الا ان هذه المقابلة هي دليل على كذب البعض وعلى مصداقية المقابلات
من الحين واثق انهم بيقولون الاجابات غير صحيحة والضيف كذاب
فمن الحين انا بقول .. المقابلة اسئلة واجوبة وشي طبيعي وجهة نظر ضيفنا الكريم مختلفة عن وجهة نظرك + لو عندك اي شي تتهم الضيف فيه انه كاذب فبقولك هات دليلك ولا تكثر من الكلام والـbla bla bla ..
والكبير كبير ياحبيبي
.....
الاسئلة بالازرق والاجوبة بالاسود
البطاقة الشخصية .. ؟
بيتم اغتيالي الحين لو ادرج البطاقة كاملة لول
نكتفي بأمير .. 24 سنة .. عازب .. على مشارف وظيفة جديدة
لماذا اخترت هذا الاسم .. ؟
لانه صار اكثر من نك نيم .. اصحابي ينادوني بفَدي اكثر من اي شي في اليوم
وعلى فكرة طريقة النطق تكون بفتح حرف ال V وليس ضمه مثل " فودي "
كيف تعرفت على حرب القبائل .. ؟
عن طريق صاحب قديم .. معتزل للعوالم الاجنبية من فترة طويلة .. علمنا عليها وسحب علينا بعدها
ماهي العوالم الي تلعب بها وكم عدد قرآك .. ؟
الثالث ما ادري عن عدد القرى اتوقع 450+
عالم التحدي آخر تششيك لي فيه كان على ال 85 قرية وكل يوم يحتلوا مني قرى واحتل قرى العدد ماهو ثابت هناك
ما هدفك من اللعب بحرب القبآئل .. ؟
هدف خاص ووصلنا له في بداية العالم .. كانت حالة العالم العربي يرثى لها بقوة .. فضلنا ان نكون ب GangS أول قبيلة تعكس باقي نهج القبائل الثانية اللي قبلنا في عالم 1 و 2 ووصلنا الى مبتغانا وقطعنا هالشي من فترة
والهدف العام مثل اي لاعب يلعب في عالم يطمح ان اسمه يخلد في القائمة الاخيرة لنهاية العالم
شخص تحترمه بحرب القبائل النسخه العربيه .. ؟
ما اقدر اكتفي بطرح اسم واحد بس .. مجموعة كبيرة لها احترامها في العالم العربي كامل .. بس اكثر مجموعة وقفت معي من البداية هم سكاروه .. حسام .. ابو عزوز .. ابو الزيك
اكثر شخص تثق فيه بحرب القبائل بالنسخه العربيه " ليس من قبيلتك " ؟
برضو صعب ان احنا نكتفي بذكر اسم .. مع وجود اكثر من اسم .. بس اكثر شخصين ارتاح لهم خارج القبيلة هم اسير والعصفور .. وفي غيرهم طبعاً ^_^
ماهي طريقه لعبك في البدآيه .. ؟
على حسب موقع القرية في الخريطة .. طرفي او وسطي .. موقعي بالنسبة لباقي اعضاء القبيلة .. خصائص العالم بطيئة او سريعة احدد طريقة لعبي .. بس غالباً افضل البداية الهجومية مع وجود استثنائات مثل اللي حصل في عالم التحدي الدورة الاولى
هل تفضل الهجوم ام الدفأع .. ؟
من ترتيب قراي في العوالم اللي العبها مؤخراً اقدر اسمي نفسي مدافع اكثر من كوني مهاجم .. تقدر تقول ان فيني عرق سوداني شوي .. لما احتل مجموعة من القرى وتكون القبيلة سيطرت على المنطقة الجديدة .. حداد القرية هو اللي يحدد نوع القرية حتى ما اضطر اني اغيره كثير مستقبلاً خخ .. وعلى حظي اغلب القرى اللي احتلها دفاعية .. فتكون قراي دفاعية
ماهي افضل تشكيله هجوميه برآيك .. ؟
افضل بمعنى اسرع او اقوى ؟ .. التشكيلة الاكثر استخداماً عندي هي 7015-3100-250 .. ولكل قاعدة شواذ
من هو اللاعب الذي تراه مميزا في العآلم 3 ولمآذآ .. ؟
Wicked يستحق كل الاوسمة المتاحة .. لاعب عنده القدرة على اتخاذ القرار المناسب مهما كان الموقف صعب امامه من هجوم اي دفاع .. تعامل دقيق جداً مع اجزاء الثانية .. والاهم من ذلك طريقته في اللعب اللي مالها اي مثيل عند 99.9% من لاعبين السيرفر العربي
من هو اللاعب اللي تتمنى ان يكون بجوآرك لاحتلال قرآه ؟
بما اني في العالم الثالث فالمفروض حتى اصيطر على العالم ..يوماً من الايام بضطر اني احتل كل لاعب ماهو موجود في قبيلتي .. عاجلاً كان هالموضوع أم آجلاً
فما يوجد اي لاعب في القائمة خارج قائمة العالم 3 حالياً .. كان ودي ارسل لل" المصري " رسالة واوصلتها له في عالم التحدي وكان بها
مآهو رأيك بالقبائل التالية من حيث : القياده .. الاعضاء .. المستقبل .. ؟ ومن هو العضو الاساسي وعامود الخيمة في كل منهم ؟
اح كأن السؤال طويل شوي =( .. بختصره بذكر العمود ..ينفع ؟
NGA - اسير اكثر من عمود بالنسبة للقبيلة
Gangs - همم .. كل واحد من الجهاز الاداري استلم له فترة بدور كبير من بداية العالم الى اليوم .. بس انصافاً للحق من بداية العالم الى اليوم ..اتوقع حسام كان اكثر واحد منا عطاءً
حرب - حالياً الكنترول بلا منازع !
allail - الاسماء اللي اعرفها فيها مالها اي حركة حالياً فما اقدر افتي في الموضوع .. بس توقعاتي ان الجرح المسموم له اليد العليا في القبيلة
L . M - ما اراقبها من بداية من العالم
ShiT ! - دون احمد اذا كان في نشاطه مع الكو بلاير حميد .. هالثنائي مجنون !
F~R - وين موقعها ؟
K.O.A - ما عندي فكرة !
Devils- برضو وين موقع هالقبيلة ؟
FU - تشرفنا ^_^
L.U - بنت عم FU ؟
W-B - قص قص ترى من جد القبائل الجديدة ما عندي اي فكرة عنها !
Gnoon - على الاقل قبيلة في جهتنا حالياً خخ .. مجمعة من لاجئين حرب سابقين .. وما بني على باطل فهو باطل
ماهي اهم 3 صفات في القائد المميز ؟
- كسر حاجز القيادة الموجودة بقوة في العالم العربي مع الاسف .. راس مال الفرق بينك وبين اعضاء قبيلتك شوية صلاحية .. ومن غير ابداعات قبيلتك مستحيل توصل لاهدافك
- معرفة طاقات القبيلة بشكل عام .. امكانيات الهجوم والدفاع المشترك كيف .. نشاط العضو اليومي هل يتغير ايام الويكند او يقل .. معرفة اوقات تواجد الاعضاء ويفضل لو كانت القبيلة مشتغلة طول اليوم بعدة مجموعات من الاعضاء حتى تكمل مهام بعض
- معرفة امكانيات الاعضاء بشكل خاص .. كل انسان له طاقات وحدود واحياناً الظروف المحيطة والادوات الموجودة عنده تحرمه من القيام ببعض الاشياء اللي يقدر يسويها لو كانت ظروفه مخالفة .. بعض المهام تحتاج الى هالنوع الخاص من الاعضاء اللي تقدر تتعامل مع اغلب الظروف المحتملة
ماهي اهم 3 صفات في الاعب المميز ؟
القدرة على اتخاذ القرار دائماً وابداً عندي هي الصفة الامثل في اللاعب .. احياناً تستغني عن شي صغير لتحقيق هدف اكبر .. بدل عنادك في التمسك بكل شي وفي النهاية تخسرهم كلهم !
- النشاط مهم مثل ماهو معروف عند الكل .. بس وش الفايدة اذا الواحد يشبك 15 ساعة وهو ما يفهم شي في ادارة الحساب ..بعكس اللي يدخل 10 دقايق بأوقات متفرقة عدة مرات في اليوم ويخلص كل شي بالتمام والكمال ^_^
وبس =P
في بعض الاحيان .. قد تُتخذ قرارات مصيريه تحدد مسار العالم .. برأيك .. هل من الواجب المشوره في مثل هذه الحالات ؟ ام ان القائد يجب ان يتحمل المسؤوليه ؟
بما ان من افتتاح العالم مرت علينا مواقف كثيرة مثل هذي .. فالمشورة كانت خيارنا في هالشي دائماً وابداً
والشي اللطيف ان اغلب القادة تفكيرهم مقارب لبعض بشكل كبير .. فـما شفت الى الحين تضارب 180 درجة في الآراء من بداية العالم
مآرأيك بمنتدى اللعبه بشكل عآم ؟
ما ازور باقي الاقسام ومكتفي بقسم عالم 3 .. مثله مثل اي قسم في عالم اجنبي كنت فيه .. فيه الكتاب اللي احب اتابع ردودهم .. وفيه مواضيع ما يحتاج حتى افتحها من العنوان والكاتب .. وفيه اصحاب اليوزرات المختفية .. الوضع اشوفه طبيعي جدا ً
برأيك .. من هو افضل قآئد مر عليك ؟ ومن هو افضل مخطط ؟ ومن هو افضل محلل ولسآن في المنتدى ؟
في الاجنبي كقائد وكردود في المنتدى انا واحد من المعجبين ب harlos قبل ما يفقد عقله وكنت اتمنى لو اشوف نسخة كربونية منه في النسخة العربية
في العربي بنترك النرجسية شوي وببتعد عن الجهاز الاداري ل GangS وبستثنيه من الجواب .. العصفور قائد يطرح جهد ووقت خيالي على قبيلته .. رغم اني كنت من المعارضين على جهذه المبذول في NM .. وحبيت فكرته مع bunniez
كلسان .. ردود كلوركس تطربني دائماً وابداً ^_^
من هو مثلك الأعلى في اللعبه ؟
مثلي الاعلى ويكد .. ثم ويكد .. ثم ويكد =P
ماهي وجهة نظرك بشكل عام لكل من : اداره حرب القبائل , صيادين حرب القبائل , مشرفين حرب القبائل , لاعبين حرب القبائل ؟
من زمان ما احتكيت مع الادارة .. ما اقدر اجاوبك على هالشي
هل فكرت مره بترك اللعبه ؟ ولمآذآ ؟
تركتها مرة في الاجنبي لان ما بقى من القروب اللا 3 بس .. انا وويكد ومعانا ثالث .. وكانوا اثنينهم في عالم وانا وحيد في عالم ثاني .. الوضع كان ممل بالنسبة لي
رجعت لها مع رجوع قروب اكبر واكبر .. وانتقلت من الاجنبي للعربي والى اليوم مستمر
بالنسبة للعالم العربي .. راح ابتعد عنها مؤقتاً هالشي اكيد اذا كانت وظيفتي في بعيدة عن مكان سكني حتى ارتب وضع السكن الجديد .. ومن بعدها نكمل بنشاط اقل اكيد
اكبر مكسب لك حصلت عليه من اللعبه ,. مآ هو ؟
ما كنت اتوقع اني بوصل لمرحلة ملاقاة الناس في الطبيعة عن طريق اللعبة .. بس هالشي له طعم خاص وحلو ^_^
ما هو الحلم الذي اردت تحقيقه في اللعبه .. ولم تستطع الى الان ؟
احتلال الكوري اللي كان معاي في عالم 19 الاجنبي وما قدرت لانه حذف حسابه خخخ
هل تشجع احتلال القرى بشكل متفارق ام متقارب ؟
احب مجموعات كبيرة في اماكن متفرقة .. تعطيني الحرية في الهجوم والدفاع على جهات مختلفة مع احتمال تعرضي لعدة خطوط نار عدة ! yummy
اذا سنحت لك الفرصه بيوم من الايام ان تكون مدير للعبه حرب القبائل بشكل عام .. برأيك .. ما هو الشي الذي ستقوم بتغييره ؟
بنزل الاصدار السابع وبفعل الانجازات في باقي العوالم مثل الاجنبي خخخ .. وبضيف جولات لعوالم سبيد
نصيحه توجههآ لكل لاعب حرب القبائل ؟
تعلم فليس المرء يولد عالماً
من هم نجوم النسخة العربية الـ 10 ؟
ما احب الاسئلة الزحمة
بس في لاعب احس انه ماهو ماخذ حقه لانه ما يدخل المنتدى بتاتاً خخ .. نايت مير العجل =P
صحيح انه صاحبي في الحياة الواقعية من ايام الثانوية .. بس هالانسان يلقطها على الطاير على طول
عطنا تاريخ قبيلتك في 5 - 50 سطر
فكرة التأسيس من سكار .. التنفيذ كان علي
الفكرة كبداية كانت تجميع قروبنا الامريكي اللي كان يلعب في الاجنبي منهم " انا - سكار - ويكد - بسول المنظم حديثاً " وغيرهم تقريباً 9 اعضاء .. بنفس المستوى تقريباً بالاضافة الى نخبة لاعبين العالم الاول والثاني .. وتشكيلهم في قبيلة وحدة في العالم الثالث بمعايير مختلفة
اول شخص طرحت عليه الفكرة كان Oldman .. رحب فيها بشكل كبير واعطاني موافقته .. فكلمت Mybach او ابو عزوز واعجب فيها .. واضاف مجموعته لها .. وبدينا باستقطاب الاعضاء سواء عن طريق البريد الخاص في اللعبة اوالمنتدى حتى وصلنا للكفاية
المشكلة اللي صدافتنا كانت قبل يومين من افتتاح العالم .. اغلب قروب اصحابي اعتذروا بسبب تضارب وقت بداية الدراسة مع افتتاح العالم .. والمعروف ان اكثر وقت يستهلكه اللاعب هو وقت التأسيس
كنا نـأمل ان العالم يفتح في الاجازة الصيفية .. عالجنا المشكلة بسرعة باستقطاب مجموعة جديدة والباقي تعرفوه خخ
هل جربت عالم التحدي ؟ مارأيك فيه ؟
يب لعبت النسختين
فكرة العالم القصيرة حلوة .. خصوصاً النسخة الثانية .. المدة المقررة كانت شهرين .. ومع الزيادة سحبت عليه خخ
نحتاج الى عوالم speed
اكثر شخص تأثيرا على شخصيتك في اللعبه ؟ وهل تعتقد انه من العادي ان تتأثر بشخص معجب به لدرجه التقليد ؟
همم .. مافي احد اقلده او احتك في اسلوبه حتى .. مادري احس ان اسلوبي جاي من الاصحاب اللي حولي وبس !
من هو الساعد الايمن بالنسبه لك . . ووجوده يمثل لك الاكسجين في حياتك الحرب القبائليه ؟
سكاروووو بدون اي ادنى منازع في هالنقطة .. اتوقع ان 100% من قراراتنا القيادية او العادية من بداية العالم الى اليوم تكون نتيجة عن نقاش بالجوال بينا .. والكتابة باسم لاعب
حتى مواضيع المنتدى نتكلم فيها مع بعض قبل !
من هو اللاعب الذي ابهرك بلعبه ولم تكن تتوقع ان يكون مستوآه بهذا الشكل الرآئع ؟
كهجوم دون احمد يستاهل هالشي .. الى الحين محتفظ بتقارير هجمته علي واذكرها بالتفصيل
اتكلم عن قطار خماسي مرسل بأدنى حد مسموح فيه .. قبل القطار عدد من النوكات بس 2 منهم يوصلوا قبل القطار في نفس الثانية .. والفرق اجزاء بسيطة
يتخلل هالقطار الخماسي ثلاث نوكات من قرى مختلفة والدعم يوصل بعد القطار بفارق اقل من 100 ms.. اللي سواه دون احمد كان يستاهل الاشادة وهنيته بالخاص وقتها بالهجمة الروعة
كنت اقدر اسوي له ستاك في القرية خصوصاً ان المسافة تخدمي كثيراً .. بس حسيت كتكريم للجهد المبذول في هجمته لازم اقنصها بدقة .. بدون مجاملة ظليت يمكن ساعتين وانا اخلل له النوكات الدفاعية بين هجماته .. كنت احتاج اني ادخل النوكات في فارق اقل من 30 ms في بعض الهجمات .. بس الحمدلله تم صد الهجوم بنجاح ورسل لي تهنئة على الدفاع بعدها مباشرة =)
" اغلب اللاعبين اللي تم انضمامهم كنا نتوقع منهم مستوى مماثل من اللي يقدموه حالياً .. اللي زاد عن الحد المتوقع هم - سوبر اوريا - عفريت جن - عوير - الهنوف - طارد الغزاة "
5 مقومات للنجاح كلاعب ؟
مكرر
5 مقومات للنجاح كقآئد ؟
مكرر .. صح صح يا قصقص
متى تغضب ؟ ومتى تبكي من شده الضحك ؟
الغضب نادر جداً .. المواقف عليه قليلة
الضحك متى ما اجتمع بشباب الدراسة نكون في حالة هيستيرية .. الى اليوم !
اذكر لنا احد مواقفك عندما كنت لا تزال من المبتدئين بين قوسين noob
كنت اسوي تحالفات شخصية PA مع الجيران .. اللي كانوا noobs بعد لانهم وافقوا على هالشي واحترموه خخ
بينما لما فهمت اكثر .. لقيت ان قرية الجار هي انسب قرية لي حتى تكون قريتي الثانية خخ
شخص ترغب بان نقوم بمقابلته ؟
دون احمد مع الكو بلاير حميد
افضل حرب خاضتها قبيلتك .. ولماذا تعبرتها الافضل ؟
ضد Braves .. لان سبقها هالة اعلامية كبيرة جداً من الطرفين .. وانهيناها بسرعة قياسية
كل علبة سجاير مكتوب عليها : تحذير صحي هذا المنتج ضار بالقلب ويسبب السرطان - مدري وش العبارة بالظبط خخ - فوش احساسك وانت تدخن ؟ ماتحس انك غبي ؟
مجبر اخاك لا بطل خخ .. معظم المدخنين يعرفوا هالشي بس الجواب واحد .. ليتني اقدر اقطعه اليوم قبل بكرة خخ
محشش قالوله الدخان يسبب الموت البطئ قالهم ماني مستعجل .. رآيك بها النكتة
المحشش حكيم زمانه .. مادري وش عجب الناس بشخصية عزيزي حتى يستغنوا عن ابداعات المحشش خخ
لو شفت اخوك الصغير او واحد يعز عليك - افرض انه قصقص p: - وش بتكون ردة فعلك ؟
بعامله مثل اي واحد اول مرة اقابله ^_^
مو ناوي تترك السجاير ؟
وش فيك ماسكة معك هاليومين حتى في المنتدى الخاص على التدخين خخ
وش سبب كونك مدخن ؟
ان شاء الله اذا ارتبطت بقطع التدخين .. قبل الارتباط انسى الموضوع
مشروع قانقز زي ماسميته بوصفك تقدر تشرحه لنا من البداية ؟ وماهي الخطوات القادمة بها المشروع ؟
هالشي بيكون في موضوع خاص في يوم من الايام ^_^
توسع قانقز التالي وين بيكون ؟
بنواصل المخطط القديم
وش سبب إلغاء التحالف مع حرب ؟ وهل قانقز هي الي طلبت هالالغاء فعلاً ام ان الطلب جا من عند حرب ؟
الطلب مثل ماهو واضح للعيان جاء من عندنا
الاسباب عدم توصل القيادتين للقدرة على فتح مواضيع النقاش حتى .. خصوصاً مع الطاقم الجديد لادارة حرب
وش علاقة قانقز بـshit! وهل بيكون بينكم حرب قريباً ؟
علاقتنا مثل ماهي ما تغيرت الى الآن .. الميثاق محترم من الطرفين الى اليوم !
الاكاديمية الاخيرة لقانقز طولت .. وش السبب ؟
والله محرج وشاكر لاعضاء الاكاديمية نفسهم .. بعد ما خلصنا الاجرائات اللازمة .. وبدأنا في الاختبار العملي .. ومثل ما تعرف الاختبار يوصل للايام احياناً مع العضو الواحد .. كان الاختيار يوقع على نتايج الاختبار الاول .. حتى ينتقل للخطوات اللي بعدها
اغلب الاختبارات كنت انا وحسام اللي نسويها .. والشكر طبعاً لبعض الاعضاء اللي شاركت مثل ابو الزيك وقاهر وعمرو وعفريت جن
وصلنا لمرحلة ان احنا نستلم عضو واحد فقط كل اسبوع او اسبوعين .. الحمدلله ان الاعضاء متفهمين ان التأخير مو بسبب اخفاقهم بل من الملل والتعقيد منا شوي
حبيت اعقد الاكاديمية الثالثة اكثر في اختبارها حتى يكون العضو اكثر جاهزية من باقي الاكاديميات السابقة
هل مستوى قانقز بالبداية كان افضل ولا الحين ؟
كل فترة تتمتع بمحاسن ومساوئ .. ما اشوف المستوى العام تأثر بالعكس مع الانضمامات الاخيرة والتوافق السريع برجح ان الفترة الحالية افضل .. بس كردود في المنتدى الداخلي فليعذروني الشباب .. ماشفت محششين مثل اعضاء الايام الاولى خخ
وش احساسك اذا شفت شروحات وسكربتات قانقز الحصرية عند قبايل ثانية ؟ وياليت كلمة صغيرة لكل واحد ينتف هالامور
النقل دون ذكر حقوق الكاتب تعتبر جريمة يعاقب عليها القانون في دول ثانية .. خصوصاً ان اذكر هالمشكلة صارت في نفس الكلاس اللي كنت ادرس فيه ايام الدراسة .. لما نقل طالب من كوريا بحث لاحد الدكاترة بأمريكا دون ذكر المصدر وترحل من الدولة كامل بسبب هالموضوع !
في العالم العربي ما نعير هالشي الاهمية فصار الواحد ما يهتم بذكر المصدر
لما اشوف موضوع منقول مع ذكر المصدر ما اغتاظ .. على الاقل عطانا حقنا
بس الحالة المزاجية ما تكون حلوة لما اشوف كاتب الموضوع بكل بجاحة ناسب الموضوع لنفسه .. وقمة الضحك لما تجيه اسألة عن الموضوع وما يعرف يجاوبها خخ
على فكرة .. اي شي يتنزل في المنتدى عندنا نوضع له احتمال تسريب له في اي يوم من الايام .. فلذلك يوجد اشياء حصرية ل GangS موجودة مثل ما انت عارف عندنا
وفي اشياء اكثر حصرية وحريصين جداً جداً عليها فلذلك ما نزل منها اي شي في اللعبة ولا راح ينزل خخ .. موفرينها لليوم الأسود والباكج بيوصل لكل عضو شخصياً خخ
لحظة حرجة جداً في تاريخ قانقز متى كانت ؟
مع كل خسارة عضو مؤثر في القبيلة لظروف خارجة عن المخطط .. تكون لحظة محرجة لنا والعكس صحيح بالنسبة للرجوع
سمي لنا قبايل تعتبرها كربونية من قانقز وتحاول تقتبس منها امور
قطعت متابعتي بالعوالم الثانية .. فما اقدر افيدك ^_^
بس لما نشوف في قبايل تحاول تستخدم نفس الاسلوب هالشي يعتبر انجاز لنا بأن رسالة بداية العالم وصلت للعالم
اراقب نشاط اعضائي في قبايلهم الثانية من فترة لفترة والحمدلله العين عليهم باردة .. مبدعين اينما كانوا =)
وش كان احساسك وانت لابس حلق .. بها الصورة بالذات
هذا مب حلق .. هذا انعكاس لنور ابو الزيك بس خخ
ياخي من وين طايح على هالصورة قديمة خخ .. 2006 و 2007 .. وتوقعاتي ان ابو الزيك اما على هاللعبة او جيندس خخ
مرات اشوفك تكتب نص الكلام عربي ونصه انجليزي .. وش السبب ؟ مثلاً [ who جابر ]
لان هذا اسلوبي في المنتديات من اول ما بديت المشاركة فيهم
كم عدد الجواسيس الي تم إلقاء القبض عليهم في قانقز الى اليوم ؟
ما اذكر .. بس ضاعف العدد عشرات المرات في محاولات زرع الجواسيس اللي تم اكتشافها
- اسئلة شخصية خخخ -
تم كرشي من قانقز 3 او 4 مرات وكل مرة ارجع .. لها الدرجة تحبني < برااا
لبى قلب بو خالد
يقولون اني ما انفع لشي .. هل هالكلام صحيح -_- ؟
عندك انجاز تاريخي في حرب القبائل وهو عدد مرات حل القبائل خخ .. تتوقع احد ينافسك في يوم من الايام ؟ لول
ممكن تعطينا سر مااحد يعرفه عن اسمك؟
ههههههههههههههههههههههههههه انقلع خلها بيني وبينك لول
مين بيحقق دوري NBA هالسنه؟
المقص ولا غبار عليه .. كوبي بيحمل لقبه السادس ان شاء الله >> الله يستر بس واحنا الرابع على المجموعة خخ
مين اقوى واحد في العالم؟
التي فااااان
عرف لي الايثار؟ ابغى موقف تذكر لي خخخخخخ
هههههههههههههههههههههههههههههه
لما اشترينا لبعض الببسي والديو من الدور الرابع في سكنا وكل واحد شرى للثاني قبل نفسه حتى نثبت ايثارنا لبعض قدام صاحبنا
اكمل الجمل التاليه:
* حياك الـ*** ؟
العزيز
* وهو نعم الـ***؟
الكريم
* فيفيد الـ**؟
العجل .. علامة مسجلة باسمه
* انت أولد *** ؟
سكولي
* عمرشني يا الـ**؟
العمروش
AA VS 2-5 مين يفوز؟
افلقني اذا ما فاز 2-5 بستريت ابو اربع اوراق خخ
تتوقع وش يصير قبل .. نسيطير على العالم او النصر يحقق بطوله خخخخخ
انقلع يا جمهور بو طاقية
على الاقل بطولات النصر حلال 100% مب مثل الهلال 49 حرام ووحدة مشكوك في صحتها خخ
وش هالاسئلة يالتي فان .. الناس يتقول اللي سائلني مجنون واللي مجاوب مجنون اكثر منه خخ
سمعنا ان قبيلة حرب كانت تخطط انها تهاجم قبيلة NGA وكانت تفكر بالاستعانه بكم فهل هذا الكلام صحيح .؟
هالكلام من حوالي شهر ونص .. ما ادري اذا كان اجتهاد شخصي من العضو او الكلام كان متفق عليه من ادارة حرب الزبدة ان تم تجاهل هالطلب
قبل فتره كان الطائر النبيل يسحب كلام من mr saleh عن قبيلة NGA فهل عندك علم بهالشي .؟
حدد اي نوع من الكلام
وش شعورك يوم دريت ان اعضاء حرب ما يردون عليك الا بعد يوم من ردك للتأكد من ردودهم وانك ما يمديك تحشرهم ومع ذلك ينحشرون .؟
لا تشمل كل اعضاء حرب بهالشي .. بس في جزء من اعضائهم من جد طريقة تفكيره غير محبذة من اغلب زوار المنتدى .. والمصيبة انه مصر على اسلوبه ويظن انه صحيح !
ماهو انطباعكم عن حلف شيت وحرب ؟ < كبير يا امير انطباعكم بالجمع والجمع باللغة العربية يدل على التعظيم < براا
بعد ايامنا الاخيرة في التحالف .. الشي غير مستغرب منه بتات البتة ^_^
ماهيا نسبة استمرارك والسيطره على عالم 3 في ضل هذي الضروف التي تغيرت في الايام الاخيره باسباب انت تعرفها ويجهلها باقي العالم ؟
الاستمرار في العالم بيكون لآخر نفس عندنا .. وبما ان موجودين في العالم جميع الاحتمالات واردة لنا وعلينا
ما زلت ارى ان GangS تملك حصتها في احتلال العالم
ماهوا سبب هذي التغيرات المفاجئه .... من وجهة نضرك ؟
اخذ كلام ناس من فترة والاتفاق معهم واعتبار الموضوع منتهي بينما النفوس ما كانت صافية 100%
لنفترض اذا فشلت في سياسة وقيادة القبيله هل تستمر او تستقيل ويستلم القياده شخص اخر يحاول ان يتدارك اخطائك؟
عفواً هل معنى كلامك ان فدي هو من يقوم بقيادة GangS بدون اي مساندة ؟
للمعلومية ان جهاز GangS الاداري الرباعي المؤسس للقبيلة يمتلك جميعه خصائص الملك و90% من القرارات الحاسمة تكون بمشورة من الجهاز سواء كان القديم او الحالي
واستثنينا ال 10% بالطبع لأن في أمور بديهية ما تحتاج الى تطويل الموضوع ويقدر شخص واحد يحسمها
واقولها حــرفياً .. اني تقريباً شبه خامل ادارياً من شهور طويلة والجهد في استمرار ووصول القبيلة الى ما وصلت له كان بنسبة كبيرة على اكتاف حسام اللي ما قصر في سد اي الثغرات اللي حصلت بسبب غياب بعضنا .. كل الشكر للأصلع ^_^
فموضوع تسريح أحد القادة من منصبه مستحيل الحدوث .. بينما الباب مفتوح للاضافة متى ما رأت القيادة حاجتها للإضافة
لماذا انت وباقي القادة في جانجز شبه يوميا تراسلون سباركلي ملك قبيلة شت تترجونه بان ينهي الحلف مع قبيلة حرب هل يمكنك ان تفسر لنا ذالك غير ان قبيلة جانجز العملاقة لووووول خايفة من هذا الحلف !!؟؟
سؤالك منشق الى شقين .. الأول اتهامي شخصياً بهالشي .. والثاني اتهام الجهاز الاداري ل GangS
وكأن المقابلة مع الجهاز الاداري كامل .. فبترك اتهامك لهم على جنب وبجاوبك على الشق الأول
اتهامك لي بدون اي دليل يصب في محتوى كلامك عبارة عن اكذوبة كذبتها على نفسك وبدأت في تصديقها وترغب باقي الزوار بتصديقها
فهنا انا اتحداك بإرفاق اي رسالة مني لسباركلي فيها سؤال مباشر او حتى غير مباشر عن ادعائك هذا .. وبما انك ذكرت ان الرسايل شبه يومية المفروض على حسب كلامك ان عدة رسائل مني متوفرة عندك
فبطلب منك انك تحرجني قدام الكل وتنشر هالرسائل .. او تحرج نفسك وتورجينا عرض اكتافك في هالموضوع ^_^
لو صار ما صار او فالنفترض حدثت معجزة ولم تستطع قبيلتك الصمود ضد قبيلة حرب مستقبليا وما في عندك خيار للاستمرار غير انك تنضم كضو عادي في قبيلة حرب هل ستحفظ اعضائك وتنضم الى حرب ام حذف جماعي للحسابات او الاستمرار حتى احتلال كافة القبيلة !!؟؟
مثل ما قلت في الشق الأول .. لو صارت معجزة .. فأفضل ان احنا ما نتكلم عن المعجزات وننظر للموضوع بواقعية أكثر Dx
يعني اسأل نفسك يابو جهاد .. حرب ضد GangS واحد ضد واحد .. من يمتلك الحظوظ الأوفر في الفوز ^_^
وهل اذا اخترت انك تحافظ على اعضائك وتنضم لحرب مثلا هل تعتقد ان قبيلة حرب رح ترضى تضمك ولا رح ترفض وتحتلكم ^_^ !؟
ومن قال لك ان اعضائي يشوفوا فيكم شي زيادة وتستحق قبيلتكم ان الواحد يستمر معاها ؟
عفواً بس الكلام من الناس اللي اعرفها وكانت معكم في القبيلة وسحبت عليكم .. تحتاجوا الى اعادة هيلكة في موضوع التعامل مع باقي الاعضاء بشكل كبير جداً وايقاف الشللية اذا اردتم الاستمرار
هل حلفك مع الnga هو افضل واقوى من حلفك مع حرب او العكس !؟
يب بمراحل .. رغم ان عسكرياً كان حلفنا مع حرب اقوى
بس القوة العسكرية ماهي الفيصل في عالم سياسي طويل المدة .. فــراح ارجح NGA على حرب في هالشي
ويكفي الاستدال بالمقولة او المثل
" خوفي من جيش من مائة خروف ويقودهم أسد .. أكبر من خوفي من جيش من مائة أسد ويقودهم خروف "
والأمثال تضرب ولا تقاس فلا تشتري الكلام لنفسك خخ
انت تعرف وكل العالم يعرف ان قبيلة حرب مشهورة بنفسها الطويل + العنيد في الحرب ومنذ بداية السيرفر كانوا الناس يصفون قبيلة حرب بانها اشرس قبيلة ولكنها دبلوماسيا (0) فهل تتوقع انك تملك في جعبتك من الاعضاء الذين يناهضون قبيلة حرب في العناد وطول النفس !؟
برضوا سؤالك من شقين ونجاوبهم واحد واحد
الأول تدعي ان الناس تصف حرب بأنها أشرس قبيلة ؟
وين هالناس ؟ وين هالردود اللي تتكلم عنها ؟
wake up to the reality
ممكن تحدثنا عن قاعدتكم الجماهيرية خارج العالم الثالث ؟ وهل تقارنها ببعض القبائل في بعض العوالم بدون ذكر اسماء محددة ؟
قبيلة حرب تملك ردود مثل ما وصفت انت فعلا بل وتمجد فيها اكثر .. بس منهم اصحاب هالردود ؟
هم نفسهم اعضاء القبيلة .. اللي ذاكرين في تواقيعهم ان قبيلة حرب اسطورة العالم العربي ويرددوا هالشي في الردود .. ومادح نفسه كذاب على قولة المثل خخ
ما انكر ان لكم بعض المتابعين من خارج قبيلتكم .. لكنها ما وصلت حتى لمنتصف شعبية قبائل معكم في العالم وقبائل خارج هالعالم ؟
الحين نجي للشق الثاني
ادعاء ان قبيلة حرب صاحبة نفس طويل وكبير في الحروب
ولاحظ اني قلت ادعاء بما أن كلامك منافي للواقع اللي نشوفه قدامنا
العالم صار له 15-16 شهر من بدايته الى اليوم
في هالفترة .. فشلت القبيلة اللي تدعي انها صاحبة النفس الأطول في انهاء حرب قارية واحدة عن طريق ابادة الخصم .. جميع حروبها القارية انتهت اما بـ صلح أو دمج .. هذا اللي نعرفه عن الحروب القارية .. اما عن حروب السيطرة عن القارة الأولى ما احمل الكثير من المعلومات عنها بس اعرف انكم اخذتوا أفضل لاعبين قبيلة WAR* ناهيك عن الحلف مع الفرع الثاني لكم في بداية العالم مع Fighters
حليفين في قارة واحدة واندماج سلمي .. عدم انهاء حرب قارية واحدة عن طريق الابادة في تاريخ القبيلة .. هل هذي هي صفات القبيلة الأطول نفساً في العالم في نظرك ؟
مثل ما قلت لك في الشق الأول .. لاحظ انكم مختلقين سالفة ان قبيلة حرب اسطورية على مستوى السيرفر ومصدقينها تماماً وتحالوا جذب الناس للتصديق معكم !
نصيحة أخوية .. دائماً اسعى الناس اللي تتكلم عن انجازات قبيلتك مب ان اللي تملل الناس من تكرارها حتى تخرج من اطار النرجسية اللي غارقين فيه ^_^
وبرضو حتى ما نطلع عن السؤال بدرجة كبيرة
هل انا محتاج اني اشغل برنامج حبيبي ابو الزيك واحسب نسبة احتلالكم من بعض + احتلال البربريات واللاعبين الخاملين واقارنها بالاحتلال من الطرف اللي تحاربوه ؟
وفي طرف ثاني بشغل البرنامج على قبيلتنا وبطرح الفوارق
يا رجل عندي اعضاء في القبيلة ما تحتل احتلالات فردية بالمرة .. بمعنى ثاني اذا ما كان هنالك اي OP جماعي في الحسابات تكون خاملة تماماً حتى ظهور OP جديد
على العموم اذا كنت مستعد لاحراج نفسك بنتايج هالمقارنة .. اطلب مني في الموضوع ان احنا نبدأها وانا مستعد لادراج النتائج ^_^
هل خالفة قبيلة حرب أحدى المواثيق التي عرضوها لك حين وضعتوهم في العلاقات الدبلوماسيه ؟؟ وما هو ؟؟
انظر الى الشروط من جديد وبتعرف الاجابة ^_^
لنفترض أن قبيلة جنجز أنتصرت على حرب وعرضوا عليك قبيلة حرب أن تصير قبيلتهم أكادميه أو فرع لجنجز هل توافق ؟؟ولماذا ؟؟
بفضل الاحتلال طبعاً لأن مافي اي مكان شاغر لهم في القبيلة + مشاكلهم الداخلية كثيرة حسب ما وصلنا من تقارير الاعضاء اللي كانوا معهم في يوم من الايام ويمكن عدد تغييرات القبائل يعكس الاستقرارية في قبيلتهم من بداية العالم الى اليوم
لو افترضنا ان حرب خسرت امام جنجز وطلب من ابو المعتصم أن ينضم هو وأبو جهاد وأو عمر والكنترول هل توافق أم لا ؟؟ إذا الأجابه لا لماذا ؟؟؟
كـأنه نفس السؤال اللي فوق ؟
مارأيك في حرب قبيلة حرب&الليل ؟؟؟؟
الى الحين ما اشتدت .. بس النتايج الى الحين في صالح الليل على عكس الهالة الاعلامية المصاحبة لكاتبين موضوع اعلان الحرب
هل لدى أعضاء جنجز يوزرات وهميه مثل أعضاء قبيلة حرب في المنتدى ؟؟؟؟
ما عندي علم بهالشي ولا اتوقع .. اللي اعرفه ان في اعضاء تستخدم يوزرات ثانية مع التخلي عن حسابها الاصلي مثل " retry وحمود " ... بمعنى ثاني ان حسابهم الجديد صار هو حسابهم الاساسي في المنتدى والظاهر ناويين يسحبوا على حساباتهم القديمة خخ
لو طلبت قبيلة حرب أن يتحول الميثاق إلا حلف هل توافق أم لا ؟؟إذا الإجابه لا لماذا ؟؟؟
نقتبس المثل الاجنبي
" fool me once shame on you , fool me twice shame on me "
هل تستطيع جمع اللاعبين الذين لعبوا في بداية العالم مرة أخرى؟؟؟
في اعضاء اعتزلوا اعتزال نهائي لا رجوع فيه .. رجوعهم لنا شبه مستحيل اذا ما كان مستحيل
وفي اعضاء اعتزالهم مؤقت .. بمعنى آخر ابتعاد عن اللعبة لفترة بسبب ظرف معين .. واتوقع رجوعهم بعد زوال هالظرف مثل ما فاجئنا حبيبنا البع البع برجوعه مؤخراً
كم ساعه تدخل حسابك ؟؟
من 18 ساعة الى ولا مرة في اليوم .. على حسب ظروف العالم هل هي محتاجة تواجد مكثف او لا
اطول الفترات اللي كنت ادخل فيها هي مرحلة تأسيس القبيلة .. كانت تحتاج الى نشاط كبير والحمدلله وفقنا بمساعدة باقي الاعضاء في تجاوزها
كم ساعه تطور
دقايق بس .. كل شي هالايام بالسكربتات
اذا جااك هجووم وش تسوي تخلي قبلتك تدعمك ولا انت تدعم نفسسك
الحمدلله من بداية العالم ما كتبت ولا موضوع دعم في القبيلة خخ
بس في مرة طلبت دعم من حبيبي ابو الزيك على مجموعة من القرى .. دعمي كان بيوصل متأخر وهو انسب واحد للدعم .. وما قصر شحنهم لي بستاك من اللي يحبه قلبك خخ
من افضل لاعب في وجهة نضره ؟
عيد صياغة الاسئلة يا قص قص لحست مخي لول < والله بريء الشعب يبيله كورس عربي !
افضل لاعب في وجهة نظري هو wicked بدون ادني منازع
علي يد من تعلمت حرب القبائل؟
مكرر .. صاحبي Nawwar وكان اسم حسابه Noah اذا ما خانتني الذاكرة .. بس اللي اذكره ان اسماء قراه كانت اسماء الانبياء كلهم ولما خلصوا قام يستخدم الارقام معاهم خخ
هل ستلعب في عالم التحدي القادم ؟
اذا وافقت باقي القبايل المعينة في بالنا .. GangS بتدخل التحدي
واذا ما وافقت .. ما راح تكون هناك مشاركة رسمية للقبيلة .. طبعاً هالشي ما يمنع الاعضاء من المشاركة فيه في قبائل الثانية .. كله يعتمد على حريتهم الشخصية في الاختيار
من هو أبو الزيك و ماذا يمثل بالنسبة لغانغز؟
مبرمج .. مستشار من وراء السطور .. هواء GangS اللي تنفسه
برأيك من أفضل قبيله بعد GangS من ناحية ال OPS ؟
ما شفت الى الحين قبيلة تجاوزت حد ال 200 قرية دفعة وحدة .. بينما سبق وان تجاوزنا حد ال 500
قبيلة حرب - NGA - الليل قربت بهالرقم .. بس ما اعرف في الاساس كم قرية حجزت وكم قرية انطلق عليها الهجوم حتى نحسب نسبة النجاح
من الايام اللي كنت فيها مع bunniez .. كان نسبة احتلالهم من القرى اللي انطلق عليها الهجوم ممتازة
اذا تم الغاء كل العلاقات الدبلوماسيه الخاصه ب GangS مع القبائل
وان تختار حليف واحد وميثاق واحد من جديد اي قبيلتين تختار مع تحديد (حليف-ميثاق) ؟
حليف بختار ال NGA لأن طوال فترة الحلف ما شافت القبيلتين المشاكل المزعجة لها من الطرفين
ميثاق واحد همم .. ما اقدر احدد بصراحة ! وبما ان الاختيار وهمي فما راح اتعب نفسي بالتفكير فيه حتى خخ
اذا خيرت ان تقوم بازاله احدى القبائل اللي بالتوب 3 وتحط وحده بدالها - وحده من اللي في التوب 10 - ايهما تختار ؟
التوب 3 صعب يتغير بدون حرب بين الاطراف نفسهم .. نفس الجواب اللي فوقه خخ
من برأيك القبيله التي ستحتل العالم 3 كله ؟ >>>> فيس مستحي لوووول
قبيلة مستكن بقيادة قائدها كوريا الشمالية لها حظوظ وفيرة !
ما لم يعجبك في قبيلة حرب ؟ ما لم يعجبك في قبيله NGA ؟
حرب - نكران الجميل
NGA - اسمها مو عارف اختصار لوشو بالضبط خخخ
من متابعتك للمنتدى العام اي قبيله حسيت انها شاطره في الهياط ؟ وعضو كذلك الامر ؟ <<<< غيري انا لوووووول - retry -
في المهايط عند سوبر فهد مخزن يكفي العالم كله خخ .. رغم انه يفعل جزء كبير من كلامه .. بس ما في انسان صاحي بيفعل كل كلامه من كثرته لول
ردود زوار العالم 1 مليانة كلام فاضي من جد .. كل ما ادخله مرة في الشهر يجيني صداع خخ
لو ان التي فان بنت كان وقعت في حبه ؟
واتزوجه بعد ( فيس مثتحي ) :$
لو انك بنت بتخرج معي؟ -بن خرفاش-
انت متغلي يبو .. للحين ما شفناك وانت ولد حتى نتخيلك بنت لول .. كلم دحوم في مشروعنا الخاص نبي نسويه قبل ما ننشغل خخ
اعضاء ندمت على تواجد ضمن صفوف قانقز
همم .. دكتور احمد وولد عمه ههههههه
والله انهم دراما من جد لول
اعضاء تمنيت تواجدهم ضمن صفوف قانقز
دون احمد مع حميد
مسألة الخلط بين العوالم او الثأر هل انت معها او ضدها (ولا تنسى تحدي الأسود)
لول .. موضوعنا مع الاسود موضوع ثاني
الاسود يقولون انهم افضل منا .. واحنا نقول نفس الكلام ..تحديناهم في الفيصل علناً قبل افتتاح العالم السابع
رسل لي وقتها كويتي بوم رسالة خاصة مضمونها موافقة مبدئية على التحدي .. قبل ما يرسل شادي رفضه للتحدي باسباب ما كانت منطقية بالنسبة لنا
كررنا التحدي في عالم التحدي القادم اللي بيكون في الصيف .. الاسود رفضوه مبدئياً .. وما زلنا بانتظار الرد النهائي
كتحدي في عالم جديد انا معها .. بس انك تدخل عالم جديد ومعاك اعضاء بينك وبينهم تتش في عوالم ثانية ويأثر فيك في العالم الجديد .. انا ضدها
شخص تتمنى ما تشوف ردوده نهائيا بالمنتدى
السلفي وصاحبه الصيدلاني .. ياخي كانت عليهم ردوده غريبة جداً .. واعتراض بجيح على الادارة خخ .. لدرجة انهم كانوا متيقنين ان انا هو TW-team خخ
ماذا تعني لك كلمة ولاء
طلع في عدد تغييرات القبائل في العوالم اللي العبها وبتعرف جوابي .. لما انضم لقبيلة ولائي يكون لها بشكل كبير جداً .. وما اتركها اللا لما خطط القادة تخالف منظوري الشخصي بشكل كبير
هل طفشت من لعبة حرب القبائل؟
اللعبة صارت روتين يومي مثل الاكل والشرب والنوم .. في احد يمل من الاكل والشرب والنوم ؟ خخ
هل برأيك إنو قبيله GangS هي من سُتسيطر على العالم؟
ما زال للقبيلة حظوظ وفيرة جداً في تحقيق هالشي .. لسا الكلام بدري ..يمكن اجابتي بتكون اوضح بعد مرور 3-6 شهور
من هو أسطورة عالم3 بنظرك؟
مكرر - Wicked
وش سر " العزيز "
ما لها سر ؟ خخ
والعزيز اسم من اسماء الله .. فكنا نستخدم " حياك العزيز " وصرنا نختصرها الى العزيز بس .. مع زيادة اسباب استخدام الكلمة .. وين سكرفوسي بس نشرح لكم المواقف الامثل لاستخدام هالكلمة خخ
احنا في عصر السرعة صح او لا ؟
الكلمة مشتقة من جملة " حياك الله "
هل لعبت في عوآلم آجنبية ؟ ومآ آلعآلم ؟ ومآ كآن آسسمك ؟
يب لعبت في 3 سيرفرات مختلفة غير العربي " الامريكي حالياً - الألماني - الروماني "
ولعبت في بدايات اكثر من 30 عالم حرفياً خخ .. فما اقدر اذكر لك العوالم.. بس اغلبها لتجربة خصائص او استراتيجية جديدة لمدة شهر وبعدين حذف حساب
لعبت بأكثر من حساب في الاجنبي .. آخرها كان Vuddy في عوالم
19 - Vitrus المركز الثاني والثالث في ال OD وقت الاعتزال
41 - Ooops! المركز الثالث و الأول في ال OD وقت الاعتزال .. بالاصح وقت الانقلاب وحذف الحسابات خخ
50 او 51 ما اذكر صراحة - DIY الأول في الترتيب وال OD وقت الاعتزال
عضو , لآ تمل من قرآءة ردوه ؟
كلوركس
Wc2 , رأيك به ؟ وهل شعرت ب آلحمآس فيه ؟ وهل كنت تعلم من سيفوز فيه مسبقآ ؟
خصائص العالم هي الامثل في العالم العربي بالنسبة لي مع استثناء خاصية الدعم اللي لها مزايا وعيوب
بصراحة لا .. البداية كانت قوية من قبائل عدة .. بس بعد مرحلة التأسيس الصورة كانت واضحة جداً ^_^
رأيك بمنتدىآ آللعبة ؟
مكرر
آذكر آفضل 10 لآعبين لعبت معهم ؟ ~> تقدر تذكر لآعبين في آلعوآلم آلآجنبية ~> آذآ لعبت !
ما يصلح اكثر من 10 ؟
ما ودي اذكر الحين اي قائمة وانسى احد منها لول .. بس من دخولي في العالم العربي وانا اتمنى العب مع ابو عزوز في قبيلة وحدة بدل حليف مثل عالم1 و 2 .. وتحقق هالشي في عالم 3
هل تعرضت ل بآند في آللعبة آو آلمنتدىآ ؟ ومآ آلسبب ؟
يب باند واحد في تاريخي خخ .. بسبب اني قلت لواحد مخك تنكة Dx
من هو آلعضو آلذي ترىآ ب آنه يستخدم آلبروجآندآ , بشكل صحيح ؟
GangS تستخدمها بشكل ناجح الى الآن .. وفي قبائل لقيت لها مواضيع روعة في اقسام ثانية ^_^
آهم آلسكربتآت عندك ؟
مجموعتي الخاصة =P
آوصف آلـ W1 , بكلمة ؟
حضن كبير
آوصف آلـ W2 , بكلمة ؟
ميت .. اكثر عالم فيه فراغات في خرائط السيطرة على القبائل من كثر البربريات واللاعبين اللي سحبوا على العالم خخ
آوصف آلـ W3 , بكلمة ؟
مولع
آوصف آلـ W4 , بكلمة ؟
يحتضر !
آوصف آلـ W5 , بكلمة ؟
كاهل !
ما يميز - ان وجد كل من القبائل التاليه
- حرب
انه أول عالم لنسبة كبيرة منهم .. فاحتمال وصولهم لدرجة الاكتفاء من اللعبة اقل من غيرهم اللي قضى سنييين في هاللعبة
- NGA
تكتل قراهم هو الاقوى في عالم 3 .. اختراق هالتكتل بيحتاج الى شهور وشهور
- Shit
مشروع دمج حسابين وتحويلهم الى كو بلايرز لبعض ممتاز جداً في وجهة نظري ..وانت يا قص قص شفت فوائده في الحسابات اللي عندنا
برأيك اذا حدثت حرب بين كل من القبائل التاليه من سينتصر
حرب - NGA
متكافئة الى حد كبير جداً .. اذا NGA ما وافقت على اندماجها مع حرب لول .. NGA بتتفوق
GangS - حرب
متكافئة مع تفوق ل GangS
GangS - NGA
وش اللي يفك هالتكتل يا اسير ؟ لول
GangS - الليل
ما جربت الحرب من قبيلة core على قبيلة rim خالصة في العالم العربي .. ما اقدر احدد مستوى القبيلة
Gangs - Shit
مع التوسعات الاخيرة ل Shit بتكون الحرب طويلة مع ترجيح لكفة GangS
NGA - Shit
بسبب المسافة الكبيرة ..اللي يمل قبل هو اللي بيخسر !
من تتمنى ان يكون بجوارك لإحتلال قراه ؟
مكرر
من افضل 5 اعضاء من ملوك العرب انضمو لـGangs و افضل 5 من اغريق انضمو لـGangs
ليه في احد منهم سيء الى الحين حتى افضل الواحد عن الثاني ؟
نتايح الاعضاء وسرعة توافقهم معانا كانت خيالية .. الحمدلله متوفقين جداً بتواجدهم معانا
شنهو اخس موقف لك واحرج موقف
موقف صار لي في عالم التحدي .. فتحت رسالة طويلة بين الكو بلاير وواحد من اعضاء القبيلة .. والعضو كان يفكر ان الشخص اللي يكلمه هو انا .. والكلام فيها ضحك بس من جد وجهي تغير لونه خخ
لان الكو بلاير الله يعافيه كان يفكره عضو ثاني .. وقام يفلها بالكلام زيادة
برأيك لماذا ابوجهاد قاط بموضوعك اكثر من غيره؟ هل هو لمجرد الاحتكاك بالكبار او الحصول على الشهره .. او انك رافع ضغطه .. او انك كاسر عينه من اول ?
مدري يمكن مضيع
ومتوهم انها في الموضوع خخ
.....
المقابلة القادمة مع omar wee قائد قبيلة L . M
نستقبل اسئلتكم له على الخاص او في هذا الموضوع او على حساب الفقيـــر
- المفروض المقابلة مع : sparkly لكن ! تم إلغاء مقابلة : sparkly -
استكمالاً لسلسلة مقابلات الشخصيات البارزة بعالم 3 نقابل اليوم Vuddy
انسسان غني عن التعريف
اطول وامتع مقابلة للان
على الرغم من ان البعض شكك في كون الضيف سيجب لكن الضيف اجاب شخصياً لو كنت واحد من الي توقعوا هالشي ماراح اشارك بالمنتدى لمدة اسبوع على الاقل الا اذا كنت انسان بجييح فهذا شي ثاني !
على الرغم من اتهام البعض ان الاسئلة ماراح توصل للضيف واني انسان متحيز وعلى الرغم وعلى الرغم الا ان هذه المقابلة هي دليل على كذب البعض وعلى مصداقية المقابلات
من الحين واثق انهم بيقولون الاجابات غير صحيحة والضيف كذاب
فمن الحين انا بقول .. المقابلة اسئلة واجوبة وشي طبيعي وجهة نظر ضيفنا الكريم مختلفة عن وجهة نظرك + لو عندك اي شي تتهم الضيف فيه انه كاذب فبقولك هات دليلك ولا تكثر من الكلام والـbla bla bla ..
والكبير كبير ياحبيبي
.....
الاسئلة بالازرق والاجوبة بالاسود
البطاقة الشخصية .. ؟
بيتم اغتيالي الحين لو ادرج البطاقة كاملة لول
نكتفي بأمير .. 24 سنة .. عازب .. على مشارف وظيفة جديدة
لماذا اخترت هذا الاسم .. ؟
لانه صار اكثر من نك نيم .. اصحابي ينادوني بفَدي اكثر من اي شي في اليوم
وعلى فكرة طريقة النطق تكون بفتح حرف ال V وليس ضمه مثل " فودي "
كيف تعرفت على حرب القبائل .. ؟
عن طريق صاحب قديم .. معتزل للعوالم الاجنبية من فترة طويلة .. علمنا عليها وسحب علينا بعدها
ماهي العوالم الي تلعب بها وكم عدد قرآك .. ؟
الثالث ما ادري عن عدد القرى اتوقع 450+
عالم التحدي آخر تششيك لي فيه كان على ال 85 قرية وكل يوم يحتلوا مني قرى واحتل قرى العدد ماهو ثابت هناك
ما هدفك من اللعب بحرب القبآئل .. ؟
هدف خاص ووصلنا له في بداية العالم .. كانت حالة العالم العربي يرثى لها بقوة .. فضلنا ان نكون ب GangS أول قبيلة تعكس باقي نهج القبائل الثانية اللي قبلنا في عالم 1 و 2 ووصلنا الى مبتغانا وقطعنا هالشي من فترة
والهدف العام مثل اي لاعب يلعب في عالم يطمح ان اسمه يخلد في القائمة الاخيرة لنهاية العالم
شخص تحترمه بحرب القبائل النسخه العربيه .. ؟
ما اقدر اكتفي بطرح اسم واحد بس .. مجموعة كبيرة لها احترامها في العالم العربي كامل .. بس اكثر مجموعة وقفت معي من البداية هم سكاروه .. حسام .. ابو عزوز .. ابو الزيك
اكثر شخص تثق فيه بحرب القبائل بالنسخه العربيه " ليس من قبيلتك " ؟
برضو صعب ان احنا نكتفي بذكر اسم .. مع وجود اكثر من اسم .. بس اكثر شخصين ارتاح لهم خارج القبيلة هم اسير والعصفور .. وفي غيرهم طبعاً ^_^
ماهي طريقه لعبك في البدآيه .. ؟
على حسب موقع القرية في الخريطة .. طرفي او وسطي .. موقعي بالنسبة لباقي اعضاء القبيلة .. خصائص العالم بطيئة او سريعة احدد طريقة لعبي .. بس غالباً افضل البداية الهجومية مع وجود استثنائات مثل اللي حصل في عالم التحدي الدورة الاولى
هل تفضل الهجوم ام الدفأع .. ؟
من ترتيب قراي في العوالم اللي العبها مؤخراً اقدر اسمي نفسي مدافع اكثر من كوني مهاجم .. تقدر تقول ان فيني عرق سوداني شوي .. لما احتل مجموعة من القرى وتكون القبيلة سيطرت على المنطقة الجديدة .. حداد القرية هو اللي يحدد نوع القرية حتى ما اضطر اني اغيره كثير مستقبلاً خخ .. وعلى حظي اغلب القرى اللي احتلها دفاعية .. فتكون قراي دفاعية
ماهي افضل تشكيله هجوميه برآيك .. ؟
افضل بمعنى اسرع او اقوى ؟ .. التشكيلة الاكثر استخداماً عندي هي 7015-3100-250 .. ولكل قاعدة شواذ
من هو اللاعب الذي تراه مميزا في العآلم 3 ولمآذآ .. ؟
Wicked يستحق كل الاوسمة المتاحة .. لاعب عنده القدرة على اتخاذ القرار المناسب مهما كان الموقف صعب امامه من هجوم اي دفاع .. تعامل دقيق جداً مع اجزاء الثانية .. والاهم من ذلك طريقته في اللعب اللي مالها اي مثيل عند 99.9% من لاعبين السيرفر العربي
من هو اللاعب اللي تتمنى ان يكون بجوآرك لاحتلال قرآه ؟
بما اني في العالم الثالث فالمفروض حتى اصيطر على العالم ..يوماً من الايام بضطر اني احتل كل لاعب ماهو موجود في قبيلتي .. عاجلاً كان هالموضوع أم آجلاً
فما يوجد اي لاعب في القائمة خارج قائمة العالم 3 حالياً .. كان ودي ارسل لل" المصري " رسالة واوصلتها له في عالم التحدي وكان بها
مآهو رأيك بالقبائل التالية من حيث : القياده .. الاعضاء .. المستقبل .. ؟ ومن هو العضو الاساسي وعامود الخيمة في كل منهم ؟
اح كأن السؤال طويل شوي =( .. بختصره بذكر العمود ..ينفع ؟
NGA - اسير اكثر من عمود بالنسبة للقبيلة
Gangs - همم .. كل واحد من الجهاز الاداري استلم له فترة بدور كبير من بداية العالم الى اليوم .. بس انصافاً للحق من بداية العالم الى اليوم ..اتوقع حسام كان اكثر واحد منا عطاءً
حرب - حالياً الكنترول بلا منازع !
allail - الاسماء اللي اعرفها فيها مالها اي حركة حالياً فما اقدر افتي في الموضوع .. بس توقعاتي ان الجرح المسموم له اليد العليا في القبيلة
L . M - ما اراقبها من بداية من العالم
ShiT ! - دون احمد اذا كان في نشاطه مع الكو بلاير حميد .. هالثنائي مجنون !
F~R - وين موقعها ؟
K.O.A - ما عندي فكرة !
Devils- برضو وين موقع هالقبيلة ؟
FU - تشرفنا ^_^
L.U - بنت عم FU ؟
W-B - قص قص ترى من جد القبائل الجديدة ما عندي اي فكرة عنها !
Gnoon - على الاقل قبيلة في جهتنا حالياً خخ .. مجمعة من لاجئين حرب سابقين .. وما بني على باطل فهو باطل
ماهي اهم 3 صفات في القائد المميز ؟
- كسر حاجز القيادة الموجودة بقوة في العالم العربي مع الاسف .. راس مال الفرق بينك وبين اعضاء قبيلتك شوية صلاحية .. ومن غير ابداعات قبيلتك مستحيل توصل لاهدافك
- معرفة طاقات القبيلة بشكل عام .. امكانيات الهجوم والدفاع المشترك كيف .. نشاط العضو اليومي هل يتغير ايام الويكند او يقل .. معرفة اوقات تواجد الاعضاء ويفضل لو كانت القبيلة مشتغلة طول اليوم بعدة مجموعات من الاعضاء حتى تكمل مهام بعض
- معرفة امكانيات الاعضاء بشكل خاص .. كل انسان له طاقات وحدود واحياناً الظروف المحيطة والادوات الموجودة عنده تحرمه من القيام ببعض الاشياء اللي يقدر يسويها لو كانت ظروفه مخالفة .. بعض المهام تحتاج الى هالنوع الخاص من الاعضاء اللي تقدر تتعامل مع اغلب الظروف المحتملة
ماهي اهم 3 صفات في الاعب المميز ؟
القدرة على اتخاذ القرار دائماً وابداً عندي هي الصفة الامثل في اللاعب .. احياناً تستغني عن شي صغير لتحقيق هدف اكبر .. بدل عنادك في التمسك بكل شي وفي النهاية تخسرهم كلهم !
- النشاط مهم مثل ماهو معروف عند الكل .. بس وش الفايدة اذا الواحد يشبك 15 ساعة وهو ما يفهم شي في ادارة الحساب ..بعكس اللي يدخل 10 دقايق بأوقات متفرقة عدة مرات في اليوم ويخلص كل شي بالتمام والكمال ^_^
وبس =P
في بعض الاحيان .. قد تُتخذ قرارات مصيريه تحدد مسار العالم .. برأيك .. هل من الواجب المشوره في مثل هذه الحالات ؟ ام ان القائد يجب ان يتحمل المسؤوليه ؟
بما ان من افتتاح العالم مرت علينا مواقف كثيرة مثل هذي .. فالمشورة كانت خيارنا في هالشي دائماً وابداً
والشي اللطيف ان اغلب القادة تفكيرهم مقارب لبعض بشكل كبير .. فـما شفت الى الحين تضارب 180 درجة في الآراء من بداية العالم
مآرأيك بمنتدى اللعبه بشكل عآم ؟
ما ازور باقي الاقسام ومكتفي بقسم عالم 3 .. مثله مثل اي قسم في عالم اجنبي كنت فيه .. فيه الكتاب اللي احب اتابع ردودهم .. وفيه مواضيع ما يحتاج حتى افتحها من العنوان والكاتب .. وفيه اصحاب اليوزرات المختفية .. الوضع اشوفه طبيعي جدا ً
برأيك .. من هو افضل قآئد مر عليك ؟ ومن هو افضل مخطط ؟ ومن هو افضل محلل ولسآن في المنتدى ؟
في الاجنبي كقائد وكردود في المنتدى انا واحد من المعجبين ب harlos قبل ما يفقد عقله وكنت اتمنى لو اشوف نسخة كربونية منه في النسخة العربية
في العربي بنترك النرجسية شوي وببتعد عن الجهاز الاداري ل GangS وبستثنيه من الجواب .. العصفور قائد يطرح جهد ووقت خيالي على قبيلته .. رغم اني كنت من المعارضين على جهذه المبذول في NM .. وحبيت فكرته مع bunniez
كلسان .. ردود كلوركس تطربني دائماً وابداً ^_^
من هو مثلك الأعلى في اللعبه ؟
مثلي الاعلى ويكد .. ثم ويكد .. ثم ويكد =P
ماهي وجهة نظرك بشكل عام لكل من : اداره حرب القبائل , صيادين حرب القبائل , مشرفين حرب القبائل , لاعبين حرب القبائل ؟
من زمان ما احتكيت مع الادارة .. ما اقدر اجاوبك على هالشي
هل فكرت مره بترك اللعبه ؟ ولمآذآ ؟
تركتها مرة في الاجنبي لان ما بقى من القروب اللا 3 بس .. انا وويكد ومعانا ثالث .. وكانوا اثنينهم في عالم وانا وحيد في عالم ثاني .. الوضع كان ممل بالنسبة لي
رجعت لها مع رجوع قروب اكبر واكبر .. وانتقلت من الاجنبي للعربي والى اليوم مستمر
بالنسبة للعالم العربي .. راح ابتعد عنها مؤقتاً هالشي اكيد اذا كانت وظيفتي في بعيدة عن مكان سكني حتى ارتب وضع السكن الجديد .. ومن بعدها نكمل بنشاط اقل اكيد
اكبر مكسب لك حصلت عليه من اللعبه ,. مآ هو ؟
ما كنت اتوقع اني بوصل لمرحلة ملاقاة الناس في الطبيعة عن طريق اللعبة .. بس هالشي له طعم خاص وحلو ^_^
ما هو الحلم الذي اردت تحقيقه في اللعبه .. ولم تستطع الى الان ؟
احتلال الكوري اللي كان معاي في عالم 19 الاجنبي وما قدرت لانه حذف حسابه خخخ
هل تشجع احتلال القرى بشكل متفارق ام متقارب ؟
احب مجموعات كبيرة في اماكن متفرقة .. تعطيني الحرية في الهجوم والدفاع على جهات مختلفة مع احتمال تعرضي لعدة خطوط نار عدة ! yummy
اذا سنحت لك الفرصه بيوم من الايام ان تكون مدير للعبه حرب القبائل بشكل عام .. برأيك .. ما هو الشي الذي ستقوم بتغييره ؟
بنزل الاصدار السابع وبفعل الانجازات في باقي العوالم مثل الاجنبي خخخ .. وبضيف جولات لعوالم سبيد
نصيحه توجههآ لكل لاعب حرب القبائل ؟
تعلم فليس المرء يولد عالماً
من هم نجوم النسخة العربية الـ 10 ؟
ما احب الاسئلة الزحمة
بس في لاعب احس انه ماهو ماخذ حقه لانه ما يدخل المنتدى بتاتاً خخ .. نايت مير العجل =P
صحيح انه صاحبي في الحياة الواقعية من ايام الثانوية .. بس هالانسان يلقطها على الطاير على طول
عطنا تاريخ قبيلتك في 5 - 50 سطر
فكرة التأسيس من سكار .. التنفيذ كان علي
الفكرة كبداية كانت تجميع قروبنا الامريكي اللي كان يلعب في الاجنبي منهم " انا - سكار - ويكد - بسول المنظم حديثاً " وغيرهم تقريباً 9 اعضاء .. بنفس المستوى تقريباً بالاضافة الى نخبة لاعبين العالم الاول والثاني .. وتشكيلهم في قبيلة وحدة في العالم الثالث بمعايير مختلفة
اول شخص طرحت عليه الفكرة كان Oldman .. رحب فيها بشكل كبير واعطاني موافقته .. فكلمت Mybach او ابو عزوز واعجب فيها .. واضاف مجموعته لها .. وبدينا باستقطاب الاعضاء سواء عن طريق البريد الخاص في اللعبة اوالمنتدى حتى وصلنا للكفاية
المشكلة اللي صدافتنا كانت قبل يومين من افتتاح العالم .. اغلب قروب اصحابي اعتذروا بسبب تضارب وقت بداية الدراسة مع افتتاح العالم .. والمعروف ان اكثر وقت يستهلكه اللاعب هو وقت التأسيس
كنا نـأمل ان العالم يفتح في الاجازة الصيفية .. عالجنا المشكلة بسرعة باستقطاب مجموعة جديدة والباقي تعرفوه خخ
هل جربت عالم التحدي ؟ مارأيك فيه ؟
يب لعبت النسختين
فكرة العالم القصيرة حلوة .. خصوصاً النسخة الثانية .. المدة المقررة كانت شهرين .. ومع الزيادة سحبت عليه خخ
نحتاج الى عوالم speed
اكثر شخص تأثيرا على شخصيتك في اللعبه ؟ وهل تعتقد انه من العادي ان تتأثر بشخص معجب به لدرجه التقليد ؟
همم .. مافي احد اقلده او احتك في اسلوبه حتى .. مادري احس ان اسلوبي جاي من الاصحاب اللي حولي وبس !
من هو الساعد الايمن بالنسبه لك . . ووجوده يمثل لك الاكسجين في حياتك الحرب القبائليه ؟
سكاروووو بدون اي ادنى منازع في هالنقطة .. اتوقع ان 100% من قراراتنا القيادية او العادية من بداية العالم الى اليوم تكون نتيجة عن نقاش بالجوال بينا .. والكتابة باسم لاعب
حتى مواضيع المنتدى نتكلم فيها مع بعض قبل !
من هو اللاعب الذي ابهرك بلعبه ولم تكن تتوقع ان يكون مستوآه بهذا الشكل الرآئع ؟
كهجوم دون احمد يستاهل هالشي .. الى الحين محتفظ بتقارير هجمته علي واذكرها بالتفصيل
اتكلم عن قطار خماسي مرسل بأدنى حد مسموح فيه .. قبل القطار عدد من النوكات بس 2 منهم يوصلوا قبل القطار في نفس الثانية .. والفرق اجزاء بسيطة
يتخلل هالقطار الخماسي ثلاث نوكات من قرى مختلفة والدعم يوصل بعد القطار بفارق اقل من 100 ms.. اللي سواه دون احمد كان يستاهل الاشادة وهنيته بالخاص وقتها بالهجمة الروعة
كنت اقدر اسوي له ستاك في القرية خصوصاً ان المسافة تخدمي كثيراً .. بس حسيت كتكريم للجهد المبذول في هجمته لازم اقنصها بدقة .. بدون مجاملة ظليت يمكن ساعتين وانا اخلل له النوكات الدفاعية بين هجماته .. كنت احتاج اني ادخل النوكات في فارق اقل من 30 ms في بعض الهجمات .. بس الحمدلله تم صد الهجوم بنجاح ورسل لي تهنئة على الدفاع بعدها مباشرة =)
" اغلب اللاعبين اللي تم انضمامهم كنا نتوقع منهم مستوى مماثل من اللي يقدموه حالياً .. اللي زاد عن الحد المتوقع هم - سوبر اوريا - عفريت جن - عوير - الهنوف - طارد الغزاة "
5 مقومات للنجاح كلاعب ؟
مكرر
5 مقومات للنجاح كقآئد ؟
مكرر .. صح صح يا قصقص
متى تغضب ؟ ومتى تبكي من شده الضحك ؟
الغضب نادر جداً .. المواقف عليه قليلة
الضحك متى ما اجتمع بشباب الدراسة نكون في حالة هيستيرية .. الى اليوم !
اذكر لنا احد مواقفك عندما كنت لا تزال من المبتدئين بين قوسين noob
كنت اسوي تحالفات شخصية PA مع الجيران .. اللي كانوا noobs بعد لانهم وافقوا على هالشي واحترموه خخ
بينما لما فهمت اكثر .. لقيت ان قرية الجار هي انسب قرية لي حتى تكون قريتي الثانية خخ
شخص ترغب بان نقوم بمقابلته ؟
دون احمد مع الكو بلاير حميد
افضل حرب خاضتها قبيلتك .. ولماذا تعبرتها الافضل ؟
ضد Braves .. لان سبقها هالة اعلامية كبيرة جداً من الطرفين .. وانهيناها بسرعة قياسية
كل علبة سجاير مكتوب عليها : تحذير صحي هذا المنتج ضار بالقلب ويسبب السرطان - مدري وش العبارة بالظبط خخ - فوش احساسك وانت تدخن ؟ ماتحس انك غبي ؟
مجبر اخاك لا بطل خخ .. معظم المدخنين يعرفوا هالشي بس الجواب واحد .. ليتني اقدر اقطعه اليوم قبل بكرة خخ
محشش قالوله الدخان يسبب الموت البطئ قالهم ماني مستعجل .. رآيك بها النكتة
المحشش حكيم زمانه .. مادري وش عجب الناس بشخصية عزيزي حتى يستغنوا عن ابداعات المحشش خخ
لو شفت اخوك الصغير او واحد يعز عليك - افرض انه قصقص p: - وش بتكون ردة فعلك ؟
بعامله مثل اي واحد اول مرة اقابله ^_^
مو ناوي تترك السجاير ؟
وش فيك ماسكة معك هاليومين حتى في المنتدى الخاص على التدخين خخ
وش سبب كونك مدخن ؟
ان شاء الله اذا ارتبطت بقطع التدخين .. قبل الارتباط انسى الموضوع
مشروع قانقز زي ماسميته بوصفك تقدر تشرحه لنا من البداية ؟ وماهي الخطوات القادمة بها المشروع ؟
هالشي بيكون في موضوع خاص في يوم من الايام ^_^
توسع قانقز التالي وين بيكون ؟
بنواصل المخطط القديم
وش سبب إلغاء التحالف مع حرب ؟ وهل قانقز هي الي طلبت هالالغاء فعلاً ام ان الطلب جا من عند حرب ؟
الطلب مثل ماهو واضح للعيان جاء من عندنا
الاسباب عدم توصل القيادتين للقدرة على فتح مواضيع النقاش حتى .. خصوصاً مع الطاقم الجديد لادارة حرب
وش علاقة قانقز بـshit! وهل بيكون بينكم حرب قريباً ؟
علاقتنا مثل ماهي ما تغيرت الى الآن .. الميثاق محترم من الطرفين الى اليوم !
الاكاديمية الاخيرة لقانقز طولت .. وش السبب ؟
والله محرج وشاكر لاعضاء الاكاديمية نفسهم .. بعد ما خلصنا الاجرائات اللازمة .. وبدأنا في الاختبار العملي .. ومثل ما تعرف الاختبار يوصل للايام احياناً مع العضو الواحد .. كان الاختيار يوقع على نتايج الاختبار الاول .. حتى ينتقل للخطوات اللي بعدها
اغلب الاختبارات كنت انا وحسام اللي نسويها .. والشكر طبعاً لبعض الاعضاء اللي شاركت مثل ابو الزيك وقاهر وعمرو وعفريت جن
وصلنا لمرحلة ان احنا نستلم عضو واحد فقط كل اسبوع او اسبوعين .. الحمدلله ان الاعضاء متفهمين ان التأخير مو بسبب اخفاقهم بل من الملل والتعقيد منا شوي
حبيت اعقد الاكاديمية الثالثة اكثر في اختبارها حتى يكون العضو اكثر جاهزية من باقي الاكاديميات السابقة
هل مستوى قانقز بالبداية كان افضل ولا الحين ؟
كل فترة تتمتع بمحاسن ومساوئ .. ما اشوف المستوى العام تأثر بالعكس مع الانضمامات الاخيرة والتوافق السريع برجح ان الفترة الحالية افضل .. بس كردود في المنتدى الداخلي فليعذروني الشباب .. ماشفت محششين مثل اعضاء الايام الاولى خخ
وش احساسك اذا شفت شروحات وسكربتات قانقز الحصرية عند قبايل ثانية ؟ وياليت كلمة صغيرة لكل واحد ينتف هالامور
النقل دون ذكر حقوق الكاتب تعتبر جريمة يعاقب عليها القانون في دول ثانية .. خصوصاً ان اذكر هالمشكلة صارت في نفس الكلاس اللي كنت ادرس فيه ايام الدراسة .. لما نقل طالب من كوريا بحث لاحد الدكاترة بأمريكا دون ذكر المصدر وترحل من الدولة كامل بسبب هالموضوع !
في العالم العربي ما نعير هالشي الاهمية فصار الواحد ما يهتم بذكر المصدر
لما اشوف موضوع منقول مع ذكر المصدر ما اغتاظ .. على الاقل عطانا حقنا
بس الحالة المزاجية ما تكون حلوة لما اشوف كاتب الموضوع بكل بجاحة ناسب الموضوع لنفسه .. وقمة الضحك لما تجيه اسألة عن الموضوع وما يعرف يجاوبها خخ
على فكرة .. اي شي يتنزل في المنتدى عندنا نوضع له احتمال تسريب له في اي يوم من الايام .. فلذلك يوجد اشياء حصرية ل GangS موجودة مثل ما انت عارف عندنا
وفي اشياء اكثر حصرية وحريصين جداً جداً عليها فلذلك ما نزل منها اي شي في اللعبة ولا راح ينزل خخ .. موفرينها لليوم الأسود والباكج بيوصل لكل عضو شخصياً خخ
لحظة حرجة جداً في تاريخ قانقز متى كانت ؟
مع كل خسارة عضو مؤثر في القبيلة لظروف خارجة عن المخطط .. تكون لحظة محرجة لنا والعكس صحيح بالنسبة للرجوع
سمي لنا قبايل تعتبرها كربونية من قانقز وتحاول تقتبس منها امور
قطعت متابعتي بالعوالم الثانية .. فما اقدر افيدك ^_^
بس لما نشوف في قبايل تحاول تستخدم نفس الاسلوب هالشي يعتبر انجاز لنا بأن رسالة بداية العالم وصلت للعالم
اراقب نشاط اعضائي في قبايلهم الثانية من فترة لفترة والحمدلله العين عليهم باردة .. مبدعين اينما كانوا =)
وش كان احساسك وانت لابس حلق .. بها الصورة بالذات
هذا مب حلق .. هذا انعكاس لنور ابو الزيك بس خخ
ياخي من وين طايح على هالصورة قديمة خخ .. 2006 و 2007 .. وتوقعاتي ان ابو الزيك اما على هاللعبة او جيندس خخ
مرات اشوفك تكتب نص الكلام عربي ونصه انجليزي .. وش السبب ؟ مثلاً [ who جابر ]
لان هذا اسلوبي في المنتديات من اول ما بديت المشاركة فيهم
كم عدد الجواسيس الي تم إلقاء القبض عليهم في قانقز الى اليوم ؟
ما اذكر .. بس ضاعف العدد عشرات المرات في محاولات زرع الجواسيس اللي تم اكتشافها
- اسئلة شخصية خخخ -
تم كرشي من قانقز 3 او 4 مرات وكل مرة ارجع .. لها الدرجة تحبني < برااا
لبى قلب بو خالد
يقولون اني ما انفع لشي .. هل هالكلام صحيح -_- ؟
عندك انجاز تاريخي في حرب القبائل وهو عدد مرات حل القبائل خخ .. تتوقع احد ينافسك في يوم من الايام ؟ لول
ممكن تعطينا سر مااحد يعرفه عن اسمك؟
ههههههههههههههههههههههههههه انقلع خلها بيني وبينك لول
مين بيحقق دوري NBA هالسنه؟
المقص ولا غبار عليه .. كوبي بيحمل لقبه السادس ان شاء الله >> الله يستر بس واحنا الرابع على المجموعة خخ
مين اقوى واحد في العالم؟
التي فااااان
عرف لي الايثار؟ ابغى موقف تذكر لي خخخخخخ
هههههههههههههههههههههههههههههه
لما اشترينا لبعض الببسي والديو من الدور الرابع في سكنا وكل واحد شرى للثاني قبل نفسه حتى نثبت ايثارنا لبعض قدام صاحبنا
اكمل الجمل التاليه:
* حياك الـ*** ؟
العزيز
* وهو نعم الـ***؟
الكريم
* فيفيد الـ**؟
العجل .. علامة مسجلة باسمه
* انت أولد *** ؟
سكولي
* عمرشني يا الـ**؟
العمروش
AA VS 2-5 مين يفوز؟
افلقني اذا ما فاز 2-5 بستريت ابو اربع اوراق خخ
تتوقع وش يصير قبل .. نسيطير على العالم او النصر يحقق بطوله خخخخخ
انقلع يا جمهور بو طاقية
على الاقل بطولات النصر حلال 100% مب مثل الهلال 49 حرام ووحدة مشكوك في صحتها خخ
وش هالاسئلة يالتي فان .. الناس يتقول اللي سائلني مجنون واللي مجاوب مجنون اكثر منه خخ
سمعنا ان قبيلة حرب كانت تخطط انها تهاجم قبيلة NGA وكانت تفكر بالاستعانه بكم فهل هذا الكلام صحيح .؟
هالكلام من حوالي شهر ونص .. ما ادري اذا كان اجتهاد شخصي من العضو او الكلام كان متفق عليه من ادارة حرب الزبدة ان تم تجاهل هالطلب
قبل فتره كان الطائر النبيل يسحب كلام من mr saleh عن قبيلة NGA فهل عندك علم بهالشي .؟
حدد اي نوع من الكلام
وش شعورك يوم دريت ان اعضاء حرب ما يردون عليك الا بعد يوم من ردك للتأكد من ردودهم وانك ما يمديك تحشرهم ومع ذلك ينحشرون .؟
لا تشمل كل اعضاء حرب بهالشي .. بس في جزء من اعضائهم من جد طريقة تفكيره غير محبذة من اغلب زوار المنتدى .. والمصيبة انه مصر على اسلوبه ويظن انه صحيح !
ماهو انطباعكم عن حلف شيت وحرب ؟ < كبير يا امير انطباعكم بالجمع والجمع باللغة العربية يدل على التعظيم < براا
بعد ايامنا الاخيرة في التحالف .. الشي غير مستغرب منه بتات البتة ^_^
ماهيا نسبة استمرارك والسيطره على عالم 3 في ضل هذي الضروف التي تغيرت في الايام الاخيره باسباب انت تعرفها ويجهلها باقي العالم ؟
الاستمرار في العالم بيكون لآخر نفس عندنا .. وبما ان موجودين في العالم جميع الاحتمالات واردة لنا وعلينا
ما زلت ارى ان GangS تملك حصتها في احتلال العالم
ماهوا سبب هذي التغيرات المفاجئه .... من وجهة نضرك ؟
اخذ كلام ناس من فترة والاتفاق معهم واعتبار الموضوع منتهي بينما النفوس ما كانت صافية 100%
لنفترض اذا فشلت في سياسة وقيادة القبيله هل تستمر او تستقيل ويستلم القياده شخص اخر يحاول ان يتدارك اخطائك؟
عفواً هل معنى كلامك ان فدي هو من يقوم بقيادة GangS بدون اي مساندة ؟
للمعلومية ان جهاز GangS الاداري الرباعي المؤسس للقبيلة يمتلك جميعه خصائص الملك و90% من القرارات الحاسمة تكون بمشورة من الجهاز سواء كان القديم او الحالي
واستثنينا ال 10% بالطبع لأن في أمور بديهية ما تحتاج الى تطويل الموضوع ويقدر شخص واحد يحسمها
واقولها حــرفياً .. اني تقريباً شبه خامل ادارياً من شهور طويلة والجهد في استمرار ووصول القبيلة الى ما وصلت له كان بنسبة كبيرة على اكتاف حسام اللي ما قصر في سد اي الثغرات اللي حصلت بسبب غياب بعضنا .. كل الشكر للأصلع ^_^
فموضوع تسريح أحد القادة من منصبه مستحيل الحدوث .. بينما الباب مفتوح للاضافة متى ما رأت القيادة حاجتها للإضافة
لماذا انت وباقي القادة في جانجز شبه يوميا تراسلون سباركلي ملك قبيلة شت تترجونه بان ينهي الحلف مع قبيلة حرب هل يمكنك ان تفسر لنا ذالك غير ان قبيلة جانجز العملاقة لووووول خايفة من هذا الحلف !!؟؟
سؤالك منشق الى شقين .. الأول اتهامي شخصياً بهالشي .. والثاني اتهام الجهاز الاداري ل GangS
وكأن المقابلة مع الجهاز الاداري كامل .. فبترك اتهامك لهم على جنب وبجاوبك على الشق الأول
اتهامك لي بدون اي دليل يصب في محتوى كلامك عبارة عن اكذوبة كذبتها على نفسك وبدأت في تصديقها وترغب باقي الزوار بتصديقها
فهنا انا اتحداك بإرفاق اي رسالة مني لسباركلي فيها سؤال مباشر او حتى غير مباشر عن ادعائك هذا .. وبما انك ذكرت ان الرسايل شبه يومية المفروض على حسب كلامك ان عدة رسائل مني متوفرة عندك
فبطلب منك انك تحرجني قدام الكل وتنشر هالرسائل .. او تحرج نفسك وتورجينا عرض اكتافك في هالموضوع ^_^
لو صار ما صار او فالنفترض حدثت معجزة ولم تستطع قبيلتك الصمود ضد قبيلة حرب مستقبليا وما في عندك خيار للاستمرار غير انك تنضم كضو عادي في قبيلة حرب هل ستحفظ اعضائك وتنضم الى حرب ام حذف جماعي للحسابات او الاستمرار حتى احتلال كافة القبيلة !!؟؟
مثل ما قلت في الشق الأول .. لو صارت معجزة .. فأفضل ان احنا ما نتكلم عن المعجزات وننظر للموضوع بواقعية أكثر Dx
يعني اسأل نفسك يابو جهاد .. حرب ضد GangS واحد ضد واحد .. من يمتلك الحظوظ الأوفر في الفوز ^_^
وهل اذا اخترت انك تحافظ على اعضائك وتنضم لحرب مثلا هل تعتقد ان قبيلة حرب رح ترضى تضمك ولا رح ترفض وتحتلكم ^_^ !؟
ومن قال لك ان اعضائي يشوفوا فيكم شي زيادة وتستحق قبيلتكم ان الواحد يستمر معاها ؟
عفواً بس الكلام من الناس اللي اعرفها وكانت معكم في القبيلة وسحبت عليكم .. تحتاجوا الى اعادة هيلكة في موضوع التعامل مع باقي الاعضاء بشكل كبير جداً وايقاف الشللية اذا اردتم الاستمرار
هل حلفك مع الnga هو افضل واقوى من حلفك مع حرب او العكس !؟
يب بمراحل .. رغم ان عسكرياً كان حلفنا مع حرب اقوى
بس القوة العسكرية ماهي الفيصل في عالم سياسي طويل المدة .. فــراح ارجح NGA على حرب في هالشي
ويكفي الاستدال بالمقولة او المثل
" خوفي من جيش من مائة خروف ويقودهم أسد .. أكبر من خوفي من جيش من مائة أسد ويقودهم خروف "
والأمثال تضرب ولا تقاس فلا تشتري الكلام لنفسك خخ
انت تعرف وكل العالم يعرف ان قبيلة حرب مشهورة بنفسها الطويل + العنيد في الحرب ومنذ بداية السيرفر كانوا الناس يصفون قبيلة حرب بانها اشرس قبيلة ولكنها دبلوماسيا (0) فهل تتوقع انك تملك في جعبتك من الاعضاء الذين يناهضون قبيلة حرب في العناد وطول النفس !؟
برضوا سؤالك من شقين ونجاوبهم واحد واحد
الأول تدعي ان الناس تصف حرب بأنها أشرس قبيلة ؟
وين هالناس ؟ وين هالردود اللي تتكلم عنها ؟
wake up to the reality
ممكن تحدثنا عن قاعدتكم الجماهيرية خارج العالم الثالث ؟ وهل تقارنها ببعض القبائل في بعض العوالم بدون ذكر اسماء محددة ؟
قبيلة حرب تملك ردود مثل ما وصفت انت فعلا بل وتمجد فيها اكثر .. بس منهم اصحاب هالردود ؟
هم نفسهم اعضاء القبيلة .. اللي ذاكرين في تواقيعهم ان قبيلة حرب اسطورة العالم العربي ويرددوا هالشي في الردود .. ومادح نفسه كذاب على قولة المثل خخ
ما انكر ان لكم بعض المتابعين من خارج قبيلتكم .. لكنها ما وصلت حتى لمنتصف شعبية قبائل معكم في العالم وقبائل خارج هالعالم ؟
الحين نجي للشق الثاني
ادعاء ان قبيلة حرب صاحبة نفس طويل وكبير في الحروب
ولاحظ اني قلت ادعاء بما أن كلامك منافي للواقع اللي نشوفه قدامنا
العالم صار له 15-16 شهر من بدايته الى اليوم
في هالفترة .. فشلت القبيلة اللي تدعي انها صاحبة النفس الأطول في انهاء حرب قارية واحدة عن طريق ابادة الخصم .. جميع حروبها القارية انتهت اما بـ صلح أو دمج .. هذا اللي نعرفه عن الحروب القارية .. اما عن حروب السيطرة عن القارة الأولى ما احمل الكثير من المعلومات عنها بس اعرف انكم اخذتوا أفضل لاعبين قبيلة WAR* ناهيك عن الحلف مع الفرع الثاني لكم في بداية العالم مع Fighters
حليفين في قارة واحدة واندماج سلمي .. عدم انهاء حرب قارية واحدة عن طريق الابادة في تاريخ القبيلة .. هل هذي هي صفات القبيلة الأطول نفساً في العالم في نظرك ؟
مثل ما قلت لك في الشق الأول .. لاحظ انكم مختلقين سالفة ان قبيلة حرب اسطورية على مستوى السيرفر ومصدقينها تماماً وتحالوا جذب الناس للتصديق معكم !
نصيحة أخوية .. دائماً اسعى الناس اللي تتكلم عن انجازات قبيلتك مب ان اللي تملل الناس من تكرارها حتى تخرج من اطار النرجسية اللي غارقين فيه ^_^
وبرضو حتى ما نطلع عن السؤال بدرجة كبيرة
هل انا محتاج اني اشغل برنامج حبيبي ابو الزيك واحسب نسبة احتلالكم من بعض + احتلال البربريات واللاعبين الخاملين واقارنها بالاحتلال من الطرف اللي تحاربوه ؟
وفي طرف ثاني بشغل البرنامج على قبيلتنا وبطرح الفوارق
يا رجل عندي اعضاء في القبيلة ما تحتل احتلالات فردية بالمرة .. بمعنى ثاني اذا ما كان هنالك اي OP جماعي في الحسابات تكون خاملة تماماً حتى ظهور OP جديد
على العموم اذا كنت مستعد لاحراج نفسك بنتايج هالمقارنة .. اطلب مني في الموضوع ان احنا نبدأها وانا مستعد لادراج النتائج ^_^
هل خالفة قبيلة حرب أحدى المواثيق التي عرضوها لك حين وضعتوهم في العلاقات الدبلوماسيه ؟؟ وما هو ؟؟
انظر الى الشروط من جديد وبتعرف الاجابة ^_^
لنفترض أن قبيلة جنجز أنتصرت على حرب وعرضوا عليك قبيلة حرب أن تصير قبيلتهم أكادميه أو فرع لجنجز هل توافق ؟؟ولماذا ؟؟
بفضل الاحتلال طبعاً لأن مافي اي مكان شاغر لهم في القبيلة + مشاكلهم الداخلية كثيرة حسب ما وصلنا من تقارير الاعضاء اللي كانوا معهم في يوم من الايام ويمكن عدد تغييرات القبائل يعكس الاستقرارية في قبيلتهم من بداية العالم الى اليوم
لو افترضنا ان حرب خسرت امام جنجز وطلب من ابو المعتصم أن ينضم هو وأبو جهاد وأو عمر والكنترول هل توافق أم لا ؟؟ إذا الأجابه لا لماذا ؟؟؟
كـأنه نفس السؤال اللي فوق ؟
مارأيك في حرب قبيلة حرب&الليل ؟؟؟؟
الى الحين ما اشتدت .. بس النتايج الى الحين في صالح الليل على عكس الهالة الاعلامية المصاحبة لكاتبين موضوع اعلان الحرب
هل لدى أعضاء جنجز يوزرات وهميه مثل أعضاء قبيلة حرب في المنتدى ؟؟؟؟
ما عندي علم بهالشي ولا اتوقع .. اللي اعرفه ان في اعضاء تستخدم يوزرات ثانية مع التخلي عن حسابها الاصلي مثل " retry وحمود " ... بمعنى ثاني ان حسابهم الجديد صار هو حسابهم الاساسي في المنتدى والظاهر ناويين يسحبوا على حساباتهم القديمة خخ
لو طلبت قبيلة حرب أن يتحول الميثاق إلا حلف هل توافق أم لا ؟؟إذا الإجابه لا لماذا ؟؟؟
نقتبس المثل الاجنبي
" fool me once shame on you , fool me twice shame on me "
هل تستطيع جمع اللاعبين الذين لعبوا في بداية العالم مرة أخرى؟؟؟
في اعضاء اعتزلوا اعتزال نهائي لا رجوع فيه .. رجوعهم لنا شبه مستحيل اذا ما كان مستحيل
وفي اعضاء اعتزالهم مؤقت .. بمعنى آخر ابتعاد عن اللعبة لفترة بسبب ظرف معين .. واتوقع رجوعهم بعد زوال هالظرف مثل ما فاجئنا حبيبنا البع البع برجوعه مؤخراً
كم ساعه تدخل حسابك ؟؟
من 18 ساعة الى ولا مرة في اليوم .. على حسب ظروف العالم هل هي محتاجة تواجد مكثف او لا
اطول الفترات اللي كنت ادخل فيها هي مرحلة تأسيس القبيلة .. كانت تحتاج الى نشاط كبير والحمدلله وفقنا بمساعدة باقي الاعضاء في تجاوزها
كم ساعه تطور
دقايق بس .. كل شي هالايام بالسكربتات
اذا جااك هجووم وش تسوي تخلي قبلتك تدعمك ولا انت تدعم نفسسك
الحمدلله من بداية العالم ما كتبت ولا موضوع دعم في القبيلة خخ
بس في مرة طلبت دعم من حبيبي ابو الزيك على مجموعة من القرى .. دعمي كان بيوصل متأخر وهو انسب واحد للدعم .. وما قصر شحنهم لي بستاك من اللي يحبه قلبك خخ
من افضل لاعب في وجهة نضره ؟
عيد صياغة الاسئلة يا قص قص لحست مخي لول < والله بريء الشعب يبيله كورس عربي !
افضل لاعب في وجهة نظري هو wicked بدون ادني منازع
علي يد من تعلمت حرب القبائل؟
مكرر .. صاحبي Nawwar وكان اسم حسابه Noah اذا ما خانتني الذاكرة .. بس اللي اذكره ان اسماء قراه كانت اسماء الانبياء كلهم ولما خلصوا قام يستخدم الارقام معاهم خخ
هل ستلعب في عالم التحدي القادم ؟
اذا وافقت باقي القبايل المعينة في بالنا .. GangS بتدخل التحدي
واذا ما وافقت .. ما راح تكون هناك مشاركة رسمية للقبيلة .. طبعاً هالشي ما يمنع الاعضاء من المشاركة فيه في قبائل الثانية .. كله يعتمد على حريتهم الشخصية في الاختيار
من هو أبو الزيك و ماذا يمثل بالنسبة لغانغز؟
مبرمج .. مستشار من وراء السطور .. هواء GangS اللي تنفسه
برأيك من أفضل قبيله بعد GangS من ناحية ال OPS ؟
ما شفت الى الحين قبيلة تجاوزت حد ال 200 قرية دفعة وحدة .. بينما سبق وان تجاوزنا حد ال 500
قبيلة حرب - NGA - الليل قربت بهالرقم .. بس ما اعرف في الاساس كم قرية حجزت وكم قرية انطلق عليها الهجوم حتى نحسب نسبة النجاح
من الايام اللي كنت فيها مع bunniez .. كان نسبة احتلالهم من القرى اللي انطلق عليها الهجوم ممتازة
اذا تم الغاء كل العلاقات الدبلوماسيه الخاصه ب GangS مع القبائل
وان تختار حليف واحد وميثاق واحد من جديد اي قبيلتين تختار مع تحديد (حليف-ميثاق) ؟
حليف بختار ال NGA لأن طوال فترة الحلف ما شافت القبيلتين المشاكل المزعجة لها من الطرفين
ميثاق واحد همم .. ما اقدر احدد بصراحة ! وبما ان الاختيار وهمي فما راح اتعب نفسي بالتفكير فيه حتى خخ
اذا خيرت ان تقوم بازاله احدى القبائل اللي بالتوب 3 وتحط وحده بدالها - وحده من اللي في التوب 10 - ايهما تختار ؟
التوب 3 صعب يتغير بدون حرب بين الاطراف نفسهم .. نفس الجواب اللي فوقه خخ
من برأيك القبيله التي ستحتل العالم 3 كله ؟ >>>> فيس مستحي لوووول
قبيلة مستكن بقيادة قائدها كوريا الشمالية لها حظوظ وفيرة !
ما لم يعجبك في قبيلة حرب ؟ ما لم يعجبك في قبيله NGA ؟
حرب - نكران الجميل
NGA - اسمها مو عارف اختصار لوشو بالضبط خخخ
من متابعتك للمنتدى العام اي قبيله حسيت انها شاطره في الهياط ؟ وعضو كذلك الامر ؟ <<<< غيري انا لوووووول - retry -
في المهايط عند سوبر فهد مخزن يكفي العالم كله خخ .. رغم انه يفعل جزء كبير من كلامه .. بس ما في انسان صاحي بيفعل كل كلامه من كثرته لول
ردود زوار العالم 1 مليانة كلام فاضي من جد .. كل ما ادخله مرة في الشهر يجيني صداع خخ
لو ان التي فان بنت كان وقعت في حبه ؟
واتزوجه بعد ( فيس مثتحي ) :$
لو انك بنت بتخرج معي؟ -بن خرفاش-
انت متغلي يبو .. للحين ما شفناك وانت ولد حتى نتخيلك بنت لول .. كلم دحوم في مشروعنا الخاص نبي نسويه قبل ما ننشغل خخ
اعضاء ندمت على تواجد ضمن صفوف قانقز
همم .. دكتور احمد وولد عمه ههههههه
والله انهم دراما من جد لول
اعضاء تمنيت تواجدهم ضمن صفوف قانقز
دون احمد مع حميد
مسألة الخلط بين العوالم او الثأر هل انت معها او ضدها (ولا تنسى تحدي الأسود)
لول .. موضوعنا مع الاسود موضوع ثاني
الاسود يقولون انهم افضل منا .. واحنا نقول نفس الكلام ..تحديناهم في الفيصل علناً قبل افتتاح العالم السابع
رسل لي وقتها كويتي بوم رسالة خاصة مضمونها موافقة مبدئية على التحدي .. قبل ما يرسل شادي رفضه للتحدي باسباب ما كانت منطقية بالنسبة لنا
كررنا التحدي في عالم التحدي القادم اللي بيكون في الصيف .. الاسود رفضوه مبدئياً .. وما زلنا بانتظار الرد النهائي
كتحدي في عالم جديد انا معها .. بس انك تدخل عالم جديد ومعاك اعضاء بينك وبينهم تتش في عوالم ثانية ويأثر فيك في العالم الجديد .. انا ضدها
شخص تتمنى ما تشوف ردوده نهائيا بالمنتدى
السلفي وصاحبه الصيدلاني .. ياخي كانت عليهم ردوده غريبة جداً .. واعتراض بجيح على الادارة خخ .. لدرجة انهم كانوا متيقنين ان انا هو TW-team خخ
ماذا تعني لك كلمة ولاء
طلع في عدد تغييرات القبائل في العوالم اللي العبها وبتعرف جوابي .. لما انضم لقبيلة ولائي يكون لها بشكل كبير جداً .. وما اتركها اللا لما خطط القادة تخالف منظوري الشخصي بشكل كبير
هل طفشت من لعبة حرب القبائل؟
اللعبة صارت روتين يومي مثل الاكل والشرب والنوم .. في احد يمل من الاكل والشرب والنوم ؟ خخ
هل برأيك إنو قبيله GangS هي من سُتسيطر على العالم؟
ما زال للقبيلة حظوظ وفيرة جداً في تحقيق هالشي .. لسا الكلام بدري ..يمكن اجابتي بتكون اوضح بعد مرور 3-6 شهور
من هو أسطورة عالم3 بنظرك؟
مكرر - Wicked
وش سر " العزيز "
ما لها سر ؟ خخ
والعزيز اسم من اسماء الله .. فكنا نستخدم " حياك العزيز " وصرنا نختصرها الى العزيز بس .. مع زيادة اسباب استخدام الكلمة .. وين سكرفوسي بس نشرح لكم المواقف الامثل لاستخدام هالكلمة خخ
احنا في عصر السرعة صح او لا ؟
الكلمة مشتقة من جملة " حياك الله "
هل لعبت في عوآلم آجنبية ؟ ومآ آلعآلم ؟ ومآ كآن آسسمك ؟
يب لعبت في 3 سيرفرات مختلفة غير العربي " الامريكي حالياً - الألماني - الروماني "
ولعبت في بدايات اكثر من 30 عالم حرفياً خخ .. فما اقدر اذكر لك العوالم.. بس اغلبها لتجربة خصائص او استراتيجية جديدة لمدة شهر وبعدين حذف حساب
لعبت بأكثر من حساب في الاجنبي .. آخرها كان Vuddy في عوالم
19 - Vitrus المركز الثاني والثالث في ال OD وقت الاعتزال
41 - Ooops! المركز الثالث و الأول في ال OD وقت الاعتزال .. بالاصح وقت الانقلاب وحذف الحسابات خخ
50 او 51 ما اذكر صراحة - DIY الأول في الترتيب وال OD وقت الاعتزال
عضو , لآ تمل من قرآءة ردوه ؟
كلوركس
Wc2 , رأيك به ؟ وهل شعرت ب آلحمآس فيه ؟ وهل كنت تعلم من سيفوز فيه مسبقآ ؟
خصائص العالم هي الامثل في العالم العربي بالنسبة لي مع استثناء خاصية الدعم اللي لها مزايا وعيوب
بصراحة لا .. البداية كانت قوية من قبائل عدة .. بس بعد مرحلة التأسيس الصورة كانت واضحة جداً ^_^
رأيك بمنتدىآ آللعبة ؟
مكرر
آذكر آفضل 10 لآعبين لعبت معهم ؟ ~> تقدر تذكر لآعبين في آلعوآلم آلآجنبية ~> آذآ لعبت !
ما يصلح اكثر من 10 ؟
ما ودي اذكر الحين اي قائمة وانسى احد منها لول .. بس من دخولي في العالم العربي وانا اتمنى العب مع ابو عزوز في قبيلة وحدة بدل حليف مثل عالم1 و 2 .. وتحقق هالشي في عالم 3
هل تعرضت ل بآند في آللعبة آو آلمنتدىآ ؟ ومآ آلسبب ؟
يب باند واحد في تاريخي خخ .. بسبب اني قلت لواحد مخك تنكة Dx
من هو آلعضو آلذي ترىآ ب آنه يستخدم آلبروجآندآ , بشكل صحيح ؟
GangS تستخدمها بشكل ناجح الى الآن .. وفي قبائل لقيت لها مواضيع روعة في اقسام ثانية ^_^
آهم آلسكربتآت عندك ؟
مجموعتي الخاصة =P
آوصف آلـ W1 , بكلمة ؟
حضن كبير
آوصف آلـ W2 , بكلمة ؟
ميت .. اكثر عالم فيه فراغات في خرائط السيطرة على القبائل من كثر البربريات واللاعبين اللي سحبوا على العالم خخ
آوصف آلـ W3 , بكلمة ؟
مولع
آوصف آلـ W4 , بكلمة ؟
يحتضر !
آوصف آلـ W5 , بكلمة ؟
كاهل !
ما يميز - ان وجد كل من القبائل التاليه
- حرب
انه أول عالم لنسبة كبيرة منهم .. فاحتمال وصولهم لدرجة الاكتفاء من اللعبة اقل من غيرهم اللي قضى سنييين في هاللعبة
- NGA
تكتل قراهم هو الاقوى في عالم 3 .. اختراق هالتكتل بيحتاج الى شهور وشهور
- Shit
مشروع دمج حسابين وتحويلهم الى كو بلايرز لبعض ممتاز جداً في وجهة نظري ..وانت يا قص قص شفت فوائده في الحسابات اللي عندنا
برأيك اذا حدثت حرب بين كل من القبائل التاليه من سينتصر
حرب - NGA
متكافئة الى حد كبير جداً .. اذا NGA ما وافقت على اندماجها مع حرب لول .. NGA بتتفوق
GangS - حرب
متكافئة مع تفوق ل GangS
GangS - NGA
وش اللي يفك هالتكتل يا اسير ؟ لول
GangS - الليل
ما جربت الحرب من قبيلة core على قبيلة rim خالصة في العالم العربي .. ما اقدر احدد مستوى القبيلة
Gangs - Shit
مع التوسعات الاخيرة ل Shit بتكون الحرب طويلة مع ترجيح لكفة GangS
NGA - Shit
بسبب المسافة الكبيرة ..اللي يمل قبل هو اللي بيخسر !
من تتمنى ان يكون بجوارك لإحتلال قراه ؟
مكرر
من افضل 5 اعضاء من ملوك العرب انضمو لـGangs و افضل 5 من اغريق انضمو لـGangs
ليه في احد منهم سيء الى الحين حتى افضل الواحد عن الثاني ؟
نتايح الاعضاء وسرعة توافقهم معانا كانت خيالية .. الحمدلله متوفقين جداً بتواجدهم معانا
شنهو اخس موقف لك واحرج موقف
موقف صار لي في عالم التحدي .. فتحت رسالة طويلة بين الكو بلاير وواحد من اعضاء القبيلة .. والعضو كان يفكر ان الشخص اللي يكلمه هو انا .. والكلام فيها ضحك بس من جد وجهي تغير لونه خخ
لان الكو بلاير الله يعافيه كان يفكره عضو ثاني .. وقام يفلها بالكلام زيادة
برأيك لماذا ابوجهاد قاط بموضوعك اكثر من غيره؟ هل هو لمجرد الاحتكاك بالكبار او الحصول على الشهره .. او انك رافع ضغطه .. او انك كاسر عينه من اول ?
مدري يمكن مضيع
ومتوهم انها في الموضوع خخ
.....
المقابلة القادمة مع omar wee قائد قبيلة L . M
نستقبل اسئلتكم له على الخاص او في هذا الموضوع او على حساب الفقيـــر
التعديل الأخير بواسطة المشرف: