ديوانية عالم | 72 [Free Spam]
- بادئ الموضوع Game Over xD
- تاريخ البدء
Vanquisher
فارس خفيف
- مستوى التفاعل
- 144
الموضوع : خيانة اللاعب (( الديمقراطيين )) حاليا .. سابقا (( Over Rank )) واسمه الحقيقي (( يزيد )) في صاحبه وصديقة وجاره في اللعبة اللي هو انا
اسمي في اللعبة الامبراطور سامي المعروف بأبو فهد ..
السلام عليكم ورحمة الله وبركاته ... وبعد
صدقوني على كثر التفاصيل اللي راح تقرونها في هالموضوع الى اني اعتبر ان الموضوع اختصار .. لان صدمتي فا الادمي هذا اقسم بالله ماني مصدقها للان ,, من كثر ماكنت اعتبره اخو دنيا وصاحب وصديق وقراي جنب قراه وهو اللي نقلني من فرع القبيلة الثاني للفرع الرئيسي لاني اعجبته بفزعتي مع اصاحبي اللي حولي .. قالي والله انك كفو و تستاهل تعال بالفرع الرئيسي واقبل الدعوه .. قلت تم وبيض الله وجهك ومن كثر ماكنت معتزي فيه ومفتخر كنت كاتب ببروفايلي الحساب تحت حماية (( Over Rank )) ومجموعة سعوط المجنن وكاتب بعدها اسماء الشباب اللي هم سعد هوازن والبنادق فل والمنصوري وحجازي واحمد (( وبرضو كلو بصور والوثائق واي شخص يبي يشوف تقارير او رسايل اللي بكتبها من عيوني يراسلني ويبشر فيها كلها كدليل ,, اخاف الصور ماتضبط معي هنا )) ...
المهم وزع علينا رابط لبرنامج الديسكورت حق المكالمات وكنا فيه انا وهو واحمد والمنصوري وحجازي وهارون الرشيد والبنادق فل وغيره من الشباب اللي كانو معنا بالقبيلة وفرع القبيلة .. وسوا لنا قروبين واتس واحد اسمه (( D.P I TW 72 )) والثاني اسمه (( ثقات الديموقراطيين )) طبعا ذكرت لكم هالحيثيات عشان تعرفون قوة العلاقة اللي كانت بينا كا اصحاب واخوان .. وعلى ضحك وسواليف ومخططات احتلال من غير سواليفه هو شخصيا بالديسكورت عن العدو الرئيسي للقبيلة (( khAlil DZ )) واللي كان بقبيلة بلاك هورس واخذ من بعض افراد قبيلتنا قرى .. واللي فجأه صار معنا بالقبيلة وطلع صاحب يزيد الروح بروح ومن اصحابه الخاصيين (( طبعا لغاية ليلة ماسويت ليزيد حضانة كان خليل عدو رئيسي للقبيلة ومن بعد ماسويت الحضانة بأقل من 24 ساعه دخله القبيلة وفوق ذلك اعطاه حضانة حسابي )) وشوفو وركزوو على التاريخ والوقت اللي سويت فيها الحضانة ليزيد اللي هو الديمقراطيين وبعدها بأقل من 24 ساعه اعطى الحضانة لخليل دز اللي هو عدو القبيلة الأول .. شوفو الصورة :
طبعا انا كلمته ليلة ماسويت له الحضانة بحكم انه قائد القبيلة وجاري وصاحبي واخوي اللي اثق فيه ثقه عميااااء انه يقبل حضانة حسابي بحكم ان عندي اشغال بسجل بنتي فالمدرسة واسويلها فحوصات طبيه حقت المدرسة ومن غير اشغالي في دوامي وشغلي .. ولما كلمته بخصوص الحضانة , قالي ابيك تهجم على قرية وبنسخلكم محادثتي اللي بيني وبينه كامله وبوثقها بصور عشان محد يقول ابو فهد افترى عليه بشي لاسمح الله طبعا اقرو الرسايل من تحت الين فوق انتو عارفين الرسايل عندنا بالمشقلب وركزو على تاريخ الرسايل ووقتها عشان تتأكدون انها كانت قبل لا يقبل الحضانة بدقايق وليش قالي ارسل عشان كان خايف ان بعد مايقبل الحضانة مايقدر يهاجم ما درا اني طيب زيادة ومسوي كااااافة الصلاحيات له (( بختصار كلها اشرت عليها صح )) ::
الديمقراطين
في 06.06. في 03:23
ابشر بعدك << طبعا هنا بيكتب بعزك كتب بعدك وتزهل لي بحضانة الحساب .
الامبراطور سامي في 06.06. في 03:23
ياجعل ربي يغنيك من واسع فضله .. طيب وش قلت بموضوع الحضانه .. انا بكون مشغول السبوع ذا كله وما اقدر اخش حسابي .. تكفا اقبل حضانته ولك كل الصلاحيه بكل شي << هنا رجعت أأكد عليه موضوع رسالتي الأولى غير هذي اني بسويله حضانه .. لاكن حذفها من ضمن الرسايل المحذوفه لما سويتله حضانه لاكن ذي ما درا عنها هههه ربك راد اني اكشفه ...
الديمقراطينفي 06.06. في 03:22
اذا قالك شي قله كلم يزيد
الديمقراطينفي 06.06. في 03:22
بتحتلها انت ابشر بعزك يارجال << هنا جالس يسلكلي اني برضو ماراح احد ياخذ القرية اللي حاجزها لي مشعل غيري هههههه مع اني قلتله خيره يمكن ماهي مقسومه لي .
الامبراطور ساميفي 06.06. في 03:20
تبشر بسعد ...
وكلم بالله مشعل وتعذر لي منه لان والله الرجال تعبان وحاجزلي القرية وقالي ارسل بس نبيل واحد لاكن ان شاء الله اني اقدر ارسل واحد ولو ماقدرت الله يرزق فيها غيري .. خيره ماهي مقسمومه لي
الديمقراطينفي 06.06. في 02:41
اللاعب مسلمني حسابه << هنا قالي ان البنادق فل مسلمه حسابة علما ان البنادق فل من شوي مراسلني ومازال بالعبة وهذا دليل انه كان بيقلب عليه لاكن ما امداه .
القريه فيها ٥٠٠ رمح وسيف
الديمقراطينفي 06.06. في 02:41
لا مو كل جيشك
الديمقراطينفي 06.06. في 02:36
بدون محطمات
الديمقراطينفي 06.06. في 02:35
محزم السعد
الامبراطور ساميفي 06.06. في 02:35
احتززم
الديمقراطينفي 06.06. في 02:34
ارسل ٢٠٠٠ فاس باول هجمه
و ٣ نبلا عادين ١٠٠ فتس معهم
الامبراطور ساميفي 06.06. في 02:33
عندي
4141 مقاتلي الفأس
500 كشافة
1000 فارس خفيف
1 الليث الرهيص
3 نبلاء
الامبراطور ساميفي 06.06. في 02:32
سم كيف تبي التوزيع << والله اني طيب شف كيف استشيره حتى بكيفية توزيع الجيش بالهجمه هههههه
الديمقراطينفي 06.06. في 02:32
اليحين << طبعا قال الحين عشان مخطط انه يهاجم قراي بعد الحضانة عشان كذا حاول يرسل جيشي اللي بقريتي الرئيسيه على قرية البنادق فل لسبب الا وهو انه يعدم جيشي اللي بقريتي الرئيسيه وبكذا تفضاله القرية لاكن جيشي ماراح منه الى حاجه بسيطه والقرية اساسا ماكان فيها الا 1020 رمح بس ,, وهو للأسف ماهجم بنبيله الي عساس يحتل فيه قرية البنادق فل يعني خلاني اهجم بس بثلاث نبلاء وهو ماهجم عشان يعدم جيشي ,, لاكن خابت ظنونه واعتقد والله اعلم ان البنادق فل كان عنده خبر بالهجوم وبرضو من جهه ثانية قالي ثلاث نبلاء لانه مايبيني احتل قرية الرجال وهو عارف ان ماعندي الا 3 نبلاء فلذلك نزل الولاء الى 23 ورجع جيشي مانقص الا حاجه بسيطه .
الامبراطور ساميفي 06.06. في 02:32
ابشر .. خلاص متى تبي ارسلهم
الديمقراطينفي 06.06. في 02:28
قله ان يزيد يبي النبلاء وارسلتهم له << هنا رد علي لما قلتله موضوع مشعل
الديمقراطينفي 06.06. في 02:28
ابد خلاص لاهنت
شكرا
الديمقراطينفي 06.06. في 02:27
تكفى والله محتاجهم
الامبراطور ساميفي 06.06. في 01:53
ولا وش الراي عندك .. اللي تبيه بقولك سم
الامبراطور ساميفي 06.06. في 01:53
كذا رايح 14 ساعه وجاي 14 يعني 28 ساعه مايمدي << (( طبعا هنا ليه قلت مايمدي عشان مشعل كان داخل بحساب سعد هوازن وكان حاجزلي قرية يبيني احتلها وهو بيرسل 3 نبلاء وانا نبيل واحد وهذا طلعلي عرض بطلبه بعد ماقلتله بسويلك حضانة حساب برسالة غير هذي وقلتله كذا مايمدي لاني منسق هجوم على قرية يبيها لي مشعل اللي داخل بحساب سعد هوازن ))
الديمقراطينفي 06.06. في 01:47
كم المسافه؟
الامبراطور ساميفي 06.06. في 01:46
ابشر تبيني اهجم متى الان
الديمقراطينفي 06.06. في 01:46
ابي ٣ نبلاء تخفيض منك فيه قرى لك قوق محهزها افا عليك << هنا وعدني بقرا بيخليني احتلها جهت الخط الفاصل بينا وبين قبيلة بلاك هورس هههههه
كم المسافه بينك وبينه
الديمقراطينفي 06.06. في 01:45
اللاعب بيطلع من العالم << شف وش رد علي لما استغربت من مهاجمته خوينا يقول الاعب بيطلع من العالم وبعد شوي يقول اللاعب مسلمني حسابة ههههههه اثره مخطط انه يعدم جيشي وبس ومنها مايمديني احتل بثلاث نبلاء وتفتك قرية البنادق فل ..
الامبراطور ساميفي 06.06. في 01:45
اخذها ولا اهجم ولا خلاص
الامبراطور ساميفي 06.06. في 01:45
ابك لا تقول تكفا احتزم ...
متى تبيهم .. اشوف القرية بسم البنادق فل .. وش الوضع << هنا استغربت لان البنادق فل معنا بالقبيلة كيف يبيني اهجم عليه بـ 3 نبلاء ..
الديمقراطينفي 06.06. في 01:29
قبل ماترسلهم هبرني
الديمقراطينفي 06.06. في 01:19
تكفى ياولد
الديمقراطينفي 06.06. في 00:36
البنادق فل والروس مليانه سطر (477|535) K54
هنا القريه فيها جيش
الديمقراطينفي 06.06. في 00:35
ابي ٣ نبلاظ تكفى
=================================
الزبده بعد ما ارسلت الثلاث نبلاء لقرية البنادق فل وهذي تقارير الثلاث هجمات عليه وكيف نزلت الولاء لـ 23 بترتيب :
تقرير اول هجمه على البنادق فل
تقرير ثاني نبيل على البنادق فل
تقرير ثالث نبيل والاخير على البنادق فل
بعد الهجمات الثلاث وبعد مارجع جيشي من عند البنادق فل وبعد نقله للحضانة لخليل دز وتعدت 48 ساعه وفي تاريخ 10 / 6 / 2021 يعني بعد اربع ايام بس من الحضانة هجم هو وسعد بن بكر هوازن بنفس الساعه على قراي ,, بالنسبة ليزيد هجم تجسس على (( الليث الرهيص + السليك ابن السلكة + وعروة ابن الورد + وعمر بن معديكرب + تأبط شرا + بسطام ابن قيس )) يعني قراي كلها تجسسو عليها في نفس التاريخ وفي خلال ساعتين وسعد هوازن طبعا ادري انهم تلخبطو بينهم ومانسقو صج فالتجسس هههه والدليل ركزو على وقت الهجمات حقتهم ثنينهم ,, المهم هجم على قرية (( عروة ابن الورد )) مع ان يزيد متجسس عليها وهذي تقارير التجسس بترتيب :
تجسس يزيد على قرية الليث الرهيص الرئيسية
تجسس يزيد على قرية السليك ابن السلكه
تجسس يزيد على قرية عروة ابن الورد
تجسس سعد هوازن على عروة ابن الورد ههه
تجسس يزيد على قرية عمر ابن معديكرب
تجسس يزيد على قرية تأبط شرا
تجسس يزيد على قرية بسطام ابن قيس
طبعا بعد ما تجسس على القرى كلها وطبعا واضحه ليش يتجسسون لانه معطي الحضانة لخليل دز هههههه ويبون يتأكدون ان خليل ماخان فيهم وزود الجيوش (( حتى في بعض ما عندهم ثقة في بعض ههههههه وفعلا الخاين والغدار يرا كل الناس بعين طبعه ... ومنها بعد قالو لخليل دز لاتطلع الجيوش برا عشان لو طلعها برا راح تكشفهم ادارة حرب القبائل وتحسب عليهم قرى تسمينيه ويقفلون حساباتهم هههههه خطه محبوووووكه صح ....
نكمل الموضوع بعد التجسس جاء وقت التنظيف والهجوم والإحتلال .. وفي يومين بس احتلو اربع قرى من اصل سته يعني بس مابين تاريخ 10 و 11 يعني اليوم الرابع والخامس من حضانة الحساب (( في اخر الموضوع راح تعرفون انا ليش احدد تواريخ الحضانة وراح تضحكون بقوة من عذره السخيف هههه )) وهذي تقارير الهجمات والتنظيف والاحتلال بترتيب وركزو برضو على التواريخ والساعات :
تنظيف يزيد لقرية السليك ابن السلكه طبعا راح تنصدمون ليش نظفها (( الاخ يوزع قراي شرهات لخوياه طبعا مو كرم منه لاكن يبي احد يشاركه بذنب ))
تنظيف يزيد لقرية الليث الرهيص
التنظيف الثاني ليزيد لقرية الليث الرهيص مو واثق ان القرية نظفت هههه
تنظيف سعد هوازن لقرية عروة ابن الورد طبعا هجمات الاحتلال بعد تقارير احتلال يزيد لقرية تأبط شرا (( مراعاة للوقت والتواريخ والترتيب ))
اول هجوم احتلال ليزيد على قرية الليث الرهيص
ثاني هجوم احتلال ليزيد على قرية الليث الرهيص
ثالث هجوم احتلال ليزيد على قرية الليث الرهيص
رابع هجوم ليزيد احتل قرية الليث الهيص
تنظيف يزيد لقرية تأبط شرا
اول هجوم احتلال ليزيد على قرية تأبط شرا
ثاني هجوم احتلال ليزيد على قرية تأبط شرا
ثالث هجوم احتلال ليزيد على قرية تأبط شرا
رابع هجوم ليزيد احتل قرية تأبط شرا
اول هجوم احتلال لسعد هوازن لقرية عروة ابن الورد
ثاني هجوم احتلال لسعد هوازن لقرية عروة ابن الورد
ثالث هجوم احتلال لسعد هوازن لقرية عروة ابن الورد
رابع هجوم احتلال لسعد هوازن لقرية عروة ابن الورد-ماقدر يحتل الولاء نزل معاه لـ 2 بس
تنظيف ثاني من سعد هوازن لقرية عروة ابن الورد لانه الظاهر شك ان خليل جالس يرفع الولاء هههه
التنظيف الثالث من سعد هوازن لقرية عروة ابن الورد ههههه
اخيرا احتل سعد هوازن قرية عروة ابن الورد ههه
اول هجوم احتلال لجيم اوفر جي جي لقرية السليك ابن السلكة طبعا هذي القرية اللي نظفها يزيد اول شي واعطاها شرهه لجيم اوفر هههه
ثاني هجوم احتلال لجيم اوفر لقرية السليك ابن السلكه
ثالث هجوم احتلال ليجم اوفر لقرية السليك ابن السلكه
رابع هجوم لجيم اوفر احتل قرية السليك ابن السلكة طبعا راح تلاحظون اني داعم قرى قشطه هنا ..بأمر من يزيد .. كنت وش يقولي اقوله سم واحتزم وابشر .
ووالله ماجاني اي تقرير ان جيشي تعرض لاي هجوم من قالي ارسله الي خان فيني .. لاكن وضحت الامور بعدين للاسف الظاهر كان همه يضعف قواتي فالقرى
واذكر والله كنت اقوله لسى خالص من هجمات احتلال يايزيد اصبر خلني اقوي جيشي وهو مصر اني ارسل 200 رمح و 200 سيف من الاربع قرى الدفاعيه لقرى قشطة فاخر الدنيا ... لاكن ماعطيت سوء نيه فيه ..
طبعا بعد احتلال قراي الاربعه (( الليث الرهيص + السليك ابن السلكة + عروة ابن الورد + تأبط شرا )) وفي خلال يومين اللي هم تاريخ 10 و 11 من شهر 6 ميلادي بس ومن بعد ماسويت الحضانة بخمس ايام (( انا سويت الحضانة في تاريخ 6 / 6 / 2021 وهو بدا الهجوم والتشريه من قراي في تاريخ 10 - 11 / 6 / 2021 )) لاحظو سة ايام من عطيته الحضانة ... انا رجعت للحساب وفكيت الحضانة اللي هو مسويها لخليل دز امس في تاريخ 11 / 6 / 2021 باليل تقريبا الساعه 8.30 مساء واكتشفت ان قراي الاربعه راحت وماعاد عندي الى قريتين بس ووحده منهم كان مسوي عليها قطار احتلال اللي هي قريت عمر ابن معديكرب ولقيته منظفها من الجيش اللي كان فيها وهذا تقرير التنظيف :
تنظيف يزيد لقرية عمر بن معديكرب
طبعا انا والله من هول الصدمه ماعاد عرفت اش اسوي ومابين مصدق ومكذب ان اخوي وصاحبي اللي كل يوم ضحك وسواليف وهروج في الديسكورت والواتس معه يغدر فيني ومن غير اي سبب نهااااائي .. والله لو في سبب واحد لاقول انا استاهل لاني كذا وكذا لاكن ماااافي اي سبب يخليه يسوي معي اللي هو سواه وبشهادة الكل فالقبيلة والفرع من الشباب اللي كانو معنا في الديسكورت ولا الواتس ...
نكمل موضوعنا ,,,
الغيت الحضانة ولقيته مشكل هجوم احتلال على قرية معديكرب فرحت ارسلت دعم من قريتي الثانية اللي بقت قرية بسطام بن قيس لان ماكان عليها هجوم وهي الوحيده اللي كان فيها تقريبا 400 رمح ومدري كم كشافة فارسلتهم دعم لقرية معد يكرب وعلى طول اتصلت بخوي المنصوري وسألته اش فيه ليه يزيد سوا كذا قال انا سألته واستغربت انه جالس يهجم على قراك ويحتلها وقالي ان حسابه باقي له يومين ويحظرونه الادارة حظر خمول ههههههههههه (( كيف يايزيد حظر خمول وانا مسويلك حضانة )) وكيف حظر خمول ذي جت معك اساسا يااااااانااااااااااس بالله مو ذي اللي ينطبق عليها المثل اللي يقول شر البلية مايضحك ههههههههه
ياخي انا لي 12 سنه فاللعبة ماني بزر عندك تضحك علي (( لاكن الظاهر انك من النوع اللي يكذب الكذبه ويصدقها ))
الحظر يسوونه لما ما اكون عامل حضانة لاحد وما دخلت لحسابي اكثر من 14 يوم ,, ذيك الساعه يسوون حظر خمول وتتحول قراي لقرى بربرية .. ولما تتحول قراي بربرية ذيك الساعه عليك بألف عافيه يكون خطاء مني ..
ثاني حاجه الحضانة تنتهي بعد 14 يوم من لما سويتها لك .. كيف تهاجمني فاليوم الخامس من الحضانة ولما يسألونك العيال تقولهم باقيله يومين ويحضرون حسابة .. مسوي متكي فيها مع ادارة حرب القبائل ولا شايف اللي قدامك سبك ومايفهمون شي ... مصيبة انك تستغبي اللي قدامك مابعدها مصيبة ...
فعلا عذر اقبح من الذنب نفسه ... المهم عشان كذا يا اخوان انا بغيتكم تركزون على التواريخ من تاريخ الحضانة 6 - 6 الى تاريخ مافكيت الحضانة 11 - 6 اللي هو امس يعني 6 ايام وهذا عذر يزيد يقول باقي يومين ويقفلون حسابة هههههههههههه ... ياخي خلهم لين يقفلونه وتتحول قراي لبربريه وذيك الساعه الله يقويك وبالعكس مافيك خير لو ما احتليتها ويكون عذرك سمييييين قدام ربي ثم قدامي انا يا صديقك وقدام خويانا الباقين فالقبيلة واللي بالفرع ...
اما تهاجمني وتشره بقراي على خوياك الخاصين من رابع يوم .. اقسم بالله انك ماتعرف دروب المرجله ..
وفوق هذا تكذب على خويانا اللي جو سألوك وتقولهم حسابه بينحظر بعد يومين ..
والمصيبة الاكبر لما اكتشفت الشي هذا رحت سويت رسالة وارسلتها لجميع الاصدقاء وافراد القبيلة والاداريين والعلاقات الدبلوماسية ويمكن اغلب الموجودين هنا قراها واطلع عليها ونسختها ونشرتها فقروبين حقات الواتس ,, لقيته مرسلي بالخاص فالواتس يقولي (( الله يسامحك .. حسابك كان باقي له يومين ولانقدر نسوي فيه اي شي وانا قلت للشباب ابد اذا جاء بيلعب معي بالحساب .. الله يهديك كانك ظلمتني .. وحسبي الله ونعم الوكيل )) ههههههههههههه
بالله مو شي يضحك ويقهر بنفس الوقت .. لعنبو بليسك 6 ايام اخذت اربع قرى وهاجم على الخامسه وتقول باقيلة يويمين وينحظر .. ليه رقمي ورقمك سعوديات يعني انا وانت مع بعض فالواتس وتقدر ترسلي او تتصل علي وتقولي يابو فهد وش الراي ترا الموضوع كيت وكيت ... وذيك الساعه انا اقرر مو من اقل من نص مدة الحضانة تهجم علي انت وربعك وتحتلون قراي ... طبعا الكلام هذا انا ارسلته له صوتي راح ردي علي برضو فالواتس وحرفيا برضو اش قالي (( الحساب يقعد حضانة 15 يوم وبعدين ينحظر خمول .. ماني مستفيد شيء يا ادمي انت شفيك الحساب يتجمد بعد 15 يوم .. ابد الله يسامحك .. ولايحللك ولا يبيحك )) هههههههه رديت عليه فالواتس حرفيا وقلتله (( اعتقد جوالي وجوالك ارقام سعودية كان بإمكانك تتصل علي او ترسلي واتس وبعدها عذرك معك ثاني حاجه تراي قديم فاللعبة لي 12 سنه مافي شي اسمه يحولون حسابك خامل ويحظرونك كل اللي يصير تنتهي الحضانة بعد 15 يوم وبس وارجع اجددها لك اذا بغيت .. وحتى لو انحظر حسابي بتتحول قراي لبربرية اذا تحولت بعد كذا هاجمها ماعليك لوم مو تهجم على قراي من نص المده وربي عيب وربي )) ,,
نرجع نكمل اش سويت بعدها رحت والغيت مشاركت الاوامر معه والغيت مشاركة الملاحظات معه والغيت الصداقة .. وقفلت معاي بصراحه من قو الصدمه بهلادمي وكرهت اللعبه وكرهت كل شي وقلت للمنصوري يحتل القرية الثاني اللي هي قرية بسطام بن قيس ومع انه رفض وقالي يارجال كمل قلت لا والله ما راح اكمل كرهت اللعبة وحتى قريتي اللي هي باقيه معاي الان والوحيده اللي هي قرية عمر بن معديكرب قلت لشباب يحتلونها لاكنهم رفضو وكان يزيد مسوي عليها هجوم احتلال باربع نبلاء والحمد لله تمكنت منها وذبحت جيشه وقطاره كامل مع الاربع نبلاء مارجع منه الا تقريبا 44 فأس بس وهذي تقارير هجمته اللي اكتشفتها بعد مالغيت الحضانة :
اول هجوم احتلال فاشل من يزيد على قرية عمر بن معديكرب
ثاني هجوم احتلال فاشل من يزيد على قرية عمر بن معديكرب
ثالث هجوم احتلال فاشل من يزيد على قرية عمر بن معديكرب
رابع هجوم احتلال فاشل من يزيد على قرية عمر بن معديكرب وهنا مارجع من جيشه اللي راح كله الا 44 فأس ..
طبعا الحمد لله قدرت ابطل هجومه مع موت اخر جندي والجنود ذولي انا طبعتهم دعم من قرية بسطام لسببين عشان يحتل المنصوري قرية بسطام والسبب الثاني عشان ارد هجوم يزيد عن القرية اللي باقيه لي....
========================================
الان وبعد ماقلتلكم الموضوع شبه مفصل (( مو مقصدي اني اشتكي واصيح ان قراي راحت .. لا والله لاكن المقصد الرئيسي اني افضح الادمي ذا هو وخوياه )) وعشان يتوعون جميع افراد قبيلة الديمقراطيين وفروعها من الادمي هذا اللي لايعرف شي اسمه امانه ولا يعرف جيرة ولايعرف اخوه وصداقة ومعزة ولايعرف ابسط امور الدين وغفل ان اللي سواه معي يعتبر ظلم وجور وخيانة وغدر وبوق وكذب فوق هذا كله ونسى الاحاديث النبويه الصحيحه اللي تقول :
يقول ﷺ: (( آية المنافق ثلاث: إذا حدث كذب، وإذا وعد أخلف، وإذا اؤتمن خان )) وانت ماشاء الله عليك كلهم طبقتهم معي كذبت كذبه وصدقتها ووعدت بقولت احتزم لماقلتلك بعطيك حضانة حسابي وخنت الامانه اللي انا معطيك اياها ... ولا راعية حق الجوار لان قراي بجنب قراك وانت اقرب شخص لي ... وخذ هذي من موقع الشيخ العلامة ابن باز رحمة الله نصياً
يقول ﷺ: والله لا يؤمن، والله لا يؤمن، والله لا يؤمن، قيل: مَن يا رسول الله؟ قال: مَن لا يأمن جارُه بوائقَه غُشمه وظُلمه كما في الرواية الأخرى: قيل: يا رسول الله، ما بوائقه؟ قال: غشمه وظلمه، فهذا وعيدٌ شديدٌ، وفي اللفظ الآخر: لا يدخل الجنة ما دام جاره لا يأمنه؛ لما يرى منه من الغدرات والإساءة والأذى.
فالواجب على الجار أن يُحسن إلى جاره، وأن يكُفَّ عنه الأذى.
بالله بتنفعك الان القرى في ايش .. تراها لعبة يايزيد وماتسوا اللي انت سويته .. واقسم بمن احل القسم لو قايلي يابو فهد لي نفس فقراك وربي اني لقولك تفدا ماطى رجليك كلها لاني شخص بختصار اقدرررررر شي اسمه مرجله واخوه وصداقة (( عمري 43 سنه )) ماني مناظر لسة قرى عشان نفس صاحبي فيهم ..
عموما اللي بغيته الحمد لله حصل وهو اني اعريك قدام خويانا فاللعبة سواء من قبيلتنا او من القبائل الثانية وانهم ياخذوني عبرة عشان ما احد فيهم يخطي ويثق في احد مهما كان لسانه معسول ويظهر لك الاخلاص وهو غدار ونذل .. واتمنى ان اذناب الادمي ذا مايرسلون شي يتأيد بصحيفتهم ضدهم .. وربي خايف عليكم من الذنب لان للمظلوم دعوه واخاف تلحقكم منها شي .. فلتزمو الصمت اذا ماتبون تقولون كلام منصف .. لان كل شي قدامكم بالتقارير والصور والشهود كمان ..
ملاحظة : اي شخص وانا اعني ما اقول اي شخص يبي اثباتات فالواتس او فالخاص حق اللعبة من صور ورسايل وتقارير يراسلني لاني بصراحه اول مره فحياتي اسوي موضوع فالمنتدى حق اللعبة وما قدرت اكمل باقي الصور يقولي حجم الصور كبير ما ضبطت الا صورة وحده فاللي يبي يراسلني فالخاص وانا ارسله اللي يبي من الصور والتقارير والرسايل وكل شي موجود الحمد لله ..
هذا والله اعلم وصلى الله على نبينا محمد وعلى اله وصحبة وسلم .. وربي يوفق الجميع
جاري هدم القرية ههههههه عشان تعرف كيف تسوي حجز هههههههههه
يقولك ((ان لم تستحي ففعل ما شئت ))
مدري كيف شكله وهو يقرا الكلام هذا فيه وكيف موقف الاعضاء اللي معه هل ممكن يثقوا فيه ويسلموه حضانه هذا ما سنراه في قادم الايام
قروشة
فارس خفيف
- مستوى التفاعل
- 102
اقول ترا قبل لا يبدا العالم وانا كنت ابي طرف يشيل اسم الديموقراطين ع شان الطرف الثانية يشيل الثاني ونجحت خطتي نياههاالحين ضاقت بكم الدنيا ومالقيتو الا اخس كلمتين
ديموقراطي ودكتاتوري!
Triple T
فارس ثقيل
- مستوى التفاعل
- 416
.gif "خجول1 :44:")
الامبراطور سامي
مقاتل برمح
- مستوى التفاعل
- 62
احسنت (( كلمت حق اردت بها باطل )) لان واضح انك مداهن معاه .... لاكن
الرسول عليه الصلاة والسلام لما قال الحرب خدعة صحيح وهذا في حربك ضد الكفار ..
وعموما ما ابي اخوض معك تفاصيل الحديث الشريف ..
انا مو في حرب معه انا صاحبه وصديقة وكل يوم سواليف وضحك وعلوم مرجله ومزارق طيب ومعه في نفس القبيلة وسويت له حضانة وقلتله اسبوع بنشغل وفكيت الحضانة لقيته ماخذ قراي في خمس ايام .. مو ضده وفي حرب معه ..فهمت
ومثلك او بالاصح الحكمه اللي انت جايبها هذي ضده مو ضدي (( لكن هناك أمرٌ خفي لا يدركه البعض إلا عندما يسقطون في فخ من يدعون الصداقة.
ويجهل العديد من الأشخاص مفهوم الصداقة التي تعد من أجمل العلاقات الإنسانية وأكثرها أهمية، فهي علاقة مبنية على الصدق والإخلاص والتعاون والمحبة والمشاركة، وفي حال فقد أي ركن من أركانها سيتغير مفهومها.)) فهذي الحكمه اللي طايرن فيها وجايبها تراها ضده ماهي ضدي ..
وبالنسبة لكلمتك اني جاي اشتكي ... تراك فاهم الموضوع غلط ولقطت الموضوع من راس القدر ... تراي كاتب اني جاي اعري الموضوع بتفاصيل واكشف حقائق ووضحت هالشي وقلت انا مو جاي اشتكي .. انا ابوفهد على وضح النقا وخوي خويي واعجبك .. ماني من اللي يتشكون عشان لعبة .. انا اللعبة ذي العبها من 13 سنه .. لاكن اللي قهرني حركت الغدر وعشان ايش عشان قرى وتكبير حساب ..
وكان المفروض منك بدال لا تجيب حديث ماله علاقة بالموضوع تجيب الاحاديث اللي كتبتها فالموضوع ..
ماقول الا الله يهديك بس ... لاتخاف من المخلوق انه يطلعك من قبيلة او ينزلك كيكه او ياخذ قراك خف من الخالق وحده ..
قروشة
فارس خفيف
- مستوى التفاعل
- 102
بخصوص موضوع امس تراكم حلبتو الموضوع الخطاء
كل الي علقو ليس لتعاطف ابداً
كل الي علقو سوا نفس الشى مع شخص اخر لكن بطريقة اقذر او نظف
كلامي ليس دفاعاً عن يزيد لكن هجوم ع الكل حرفياً
الفرق بين الي سواه يزيد وشخص اخر هو ان يزيد تشهر بالمنتدى فقط وشكراً لك يا سامي ع الي سويته
فيه غير سامي ميه سامي بكل قارة
اتوقع انا لعبت بكل الاطراف الموجودة بالعالم واكن لهم جميعاً الاحترام لكن لا تحلبون موضوع كلكم سويتوه وتستغفلو العم سامي بهذي الطريقة
و اتمنى من كل شخص بالمستقبل ان تعرض لهذا الشى يتوجهة للمنتدى
ولو هذا كان يحدث سابقاً لشفنا اكثر منتدى مشاركاً بعالم المنتديات قاطباً
كل الي علقو ليس لتعاطف ابداً
كل الي علقو سوا نفس الشى مع شخص اخر لكن بطريقة اقذر او نظف
كلامي ليس دفاعاً عن يزيد لكن هجوم ع الكل حرفياً
الفرق بين الي سواه يزيد وشخص اخر هو ان يزيد تشهر بالمنتدى فقط وشكراً لك يا سامي ع الي سويته
فيه غير سامي ميه سامي بكل قارة
اتوقع انا لعبت بكل الاطراف الموجودة بالعالم واكن لهم جميعاً الاحترام لكن لا تحلبون موضوع كلكم سويتوه وتستغفلو العم سامي بهذي الطريقة
و اتمنى من كل شخص بالمستقبل ان تعرض لهذا الشى يتوجهة للمنتدى
ولو هذا كان يحدث سابقاً لشفنا اكثر منتدى مشاركاً بعالم المنتديات قاطباً
ما راح ارد على اي رد متعلق بهذا الموضوع
هارون الرشيد
فارس خفيف
- مستوى التفاعل
- 107
في واحد ملك عظيم ما يغلط مرة كتب ""اذا نت رجال تعال انزل"" و انحذف رده مباشرةقريبا اعلن نزولي العالم واهلا بكم
منورين اشتقتولي اكيد
Triple T
فارس ثقيل
- مستوى التفاعل
- 416
NaWaF-x9
نبيل
- مستوى التفاعل
- 920
والله كلامك درر و واضح قصدك وضوح الشمس
لكن والله اعلم في ناس ترد بالوكالة
ببإذن الله عالم 72 عالم الامبراطور سامي ولا يهونو الباقين
لتدمير عنوان
نبيل
- مستوى التفاعل
- 574
لاتتهمني جزافاً مالي مصلحة استغل موضوعه ابداً
والله اني زعلت عليه .. واتفق معك بخصوص التصفيه موجوده بكل عالم وبكل طرف
لكن تصفي الي ماتوثق فيه تصفي النوب الخامل الي مايتعاون معك وساكت كل وقته ولا يدعم .. يجيب لك الشك فيه .
لكن تصفي واحد كل وقتك تكلمه ديسكورد و واتس و واثق فيك ثقه عميا ونت عارف ان ذا الادمي ماهو مايل لاي طرف ضدك بالعالم ليش ؟؟؟
الادمي كان يحترمه ويقدره جداً من كلامه والله حسيت بكمية احترام كبيره كانت ليزيد منه .
وبالنهايه خانه .. جداً والله حز بخاطري الموضوع .
لو كان شاك فيه انه ورقه والله من ابسط حقوقه ولا عندي مشكله بالتصفيه .. لكن تصفي واحد مثل ذا عشانك بس تبي قراه ؟؟؟؟ هذي مصيبه !
MBS.
عضو ميليشيا
- مستوى التفاعل
- 15
يارجال بعد ماقلب علي اغلب اخوياه جو واعتذرو مني على حركته الوصخه
Blue Power
نبيل
- مستوى التفاعل
- 1.073
يلا اللي بيقلب يقلب عشان ننزل وننبسط كلنا
نشوف العالم يستاهل نزله ولا ماتسوى
بالانتظار
نشوف العالم يستاهل نزله ولا ماتسوى
بالانتظار
قروشة
فارس خفيف
- مستوى التفاعل
- 102
ستل كلامك وكلام غيرك ليس لتعاطف ابداً وهذا مش اتهام هذا حقيقة
انا عارف بالموضوع كامل ولي يد فيه ومو شرط ابرر لك او ل يزيد او لصالح اياً يكن
بس لو عندك شوي IQ راح تعرف وانت تقرأ الموضوع ليش صار معه الي صار
و انت شايف كلام سامي وترا عطاك سبب واضح ليه صار معه كذا ,و اجزم جزم تام ان حتى لو بلاك او يزيد غيرهم من القيادات الي اسلوبهم ثابت
راح يسون نفس الشى بالظبط بس انت ما فكرت فيه هذا الموضوع وهاجمت و استغليت و تستغفل اخونا سامي
*و بوجهة نظري انا مع القرار الي صار لكن كنت راح ادمجه بحساب اخر ويلعب معه او طريقة تضمن تواجد سامي بيننا وليس حساب و خصوصاً ان سامي وانا بيننا المودة *
هارون الرشيد
فارس خفيف
- مستوى التفاعل
- 107
دام تبي تنبسط ابشر بقلب اليوم باذن اللهيلا اللي بيقلب يقلب عشان ننزل وننبسط كلنا
نشوف العالم يستاهل نزله ولا ماتسوى
بالانتظار
هارون الرشيد
فارس خفيف
- مستوى التفاعل
- 107
كل شخص اخطا بيتحاسب
الصنديد الشهم
نبيل
- مستوى التفاعل
- 729
حكيم
لتدمير عنوان
نبيل
- مستوى التفاعل
- 574
وضعية القافط ولي فاهم الناس ماتنفع عليك نهائياً .
لان كويس لو انت تفهم نفسك .
وبلاك ماسواها ولا عمره رح يسويها لاتتكلم بلسانه ي القايد المحنك .. من جد قروشة .
قروشة
فارس خفيف
- مستوى التفاعل
- 102
ههههههههههههههههههههههههههههههههههههههههههههههههههههههه
هذا طلعت ع حقيقتك
كنت مش ناوي ارد عليك نهائياً واسفهك كا اسلوبي المعتاد
بس الكذب على ول سامي والدلع و حركات الاعلام المسير الزايد
قلت لازم ارد بالحقيقة فقط
والحقيقة الاخرى ان الكل يعرف من هو قروشة بس محد يعرفك ..
ونصيحة لا ترد لاني بسفهك والله