DeletedUser
Guest
السلام عليكم ورحمة الله وبركاته
اسعد الله أوقاتكم بكل خير من أعضاء او زوار
طبعا رجعنا لكم بسلسلة حياة اداري
هذه المرة يقدم لكم الحوار حبيبنا بدر @End series مع المداخلة الجميلة من المشرف @كيفااز واكتفيت انا بالتنسيق ، فكل الشكر والتقدير لهم
أترككم مع الحوار ..
بدر : صباح الخير حبيبنا معاذ
معاذ : صباح النور حبيبي ♡
بدر : شو اخبارك على هالجو الجميل و اختبار الي بعد ساعه ؟
معاذ : والله تعرف .. فيني نووووم وقدامي الملازم والانترنت شغال بالتلفون .. فايش تتوقع الصاير
بدر : طيب اتوقع انك عارف الموضوع الي حنتكلم عنه الي هي الحياة الإدارية لصياد معاذ في حرب القبائل ، كيف كانت بدايتك في المسيرة الإدارية
معاذ : ايوة عارف ، والله بديت قبل 3 سنين تقريبا ..
قدمت طلب كموهوب انا ومهنا ودخلنا الفريق مع بعض
بدر : و كيف كان شعورك حيال ذلك ؟ هل حسّيت بنوع من المسؤولية او نوع من الالتزام بحكم انك في احد الفرق الإدارية و التي تتوجه قيادتها لربان النسخه اسلام
معاذ : اكيد شي جميل وقتها .. بحكم اني احد اعضاء الفرق الإدارية ، اكيد بالمهمة تكليف وليس تشريف << اكثر جملة قريبة يحبها اسلام يعطيه الف عافية رباننا ومديرنا الشايب
بدر : تذكر لنا احد المواقف الطريفة لك في فريق الموهوبين سابقا ؟
معاذ : مرت اكثر من سنتين واعتزلت فيها فما اعتقد بذكر شي .. بس الي اذكره ان اسلام لصق اسم بويز علي ومن يومها كل اداري كان يناديني بويز
بدر : ممكن تذكر لنا نبذه عن إنجازاتك في الفريق ؟
معاذ : طبعا في البداية كنت في فريق الموهوبين واستمرينا انا ورفيق الدرب مهنا بالعمل المشترك وانجزنا الكثير في قسم الشروحات ولله الحمد ، حتى يوم استقال كبير الموهوبين CJ بسبب ضروفه ، اسلام رقانا انا ومهنا لكبار الموهوبين ، الحمدلله كانت ايام مليئة بالانجازات لفريق الموهوبين
بدر : و بعد ما صرت كبير موهوبين اعتزلت على ما اتذكر ؟
معاذ : ايوة نعم بسبب امتحانات القبول في الجامعه
بدر : و شو كان سبب الرجعة الحالية
معاذ : فضيت وما لقيت شي يشغلني كثير
رجعت وكلمت اسلام اني ودي ارجع الفريق .. انتظرت اسبوعين وجابني كمشرف
بدر : و كيف كان جو الأشراف من فريق و أعضاء و طاقم اداري وقت دخولك له
معاذ : ممم كان جميل جدا وصارم مع مروان طبعا هههه ، انسجمت معهم وانا ما كنت اعرفهم ، ناس في القلب والله من اولهم لاخرهم ♡
بدر : بوجهة نظرك مين كان اكثر شخص نشاطا في الفريق
معاذ : في الاشراف خالد frankie-vip بوجه الخصوص ، والباقين عداهم العيب ما شاء الله
بدر : ليش ؟ شو الخصلة المميزة التي رآها معاذ في خالد ؟
معاذ : كان شغال على عالمه اكثر من مراقبته ، كانت المواضيع تتساقط كالمطر في القسم المسؤول عنه
بدر : وش تتمنى يكون في الفريق الحالي ؟
معاذ : اي فريق تقصد ؟
بدر : الإشراف طبعا بحك الدماء الجديدة التي انضمت للفريق
معاذ : مم طبعا بهذه الفترة شغالين بشكل لا يوصف ما شاء الله .. المنتدى مولع بس يبقى ناقصهم فقرات تحليلية حيادية للعاالم كل فترة حتى يعرف المشاهد مراحل تطور القبيلة الفائزة في العالم ويكون موضوع القبيلة الختامي مدعم بكثرة روابط للمواضيع
بدر : جميل و بحكم انك كنت في فريق الإشراف كيف كان منظور تعامل الفرد في المنتدى لك و الصديق ايضا ؟
معاذ : وقتها ما كان في تمرد من بعض الاشخاص مثل الوقت الحالي بالاخير لازم العضو والاداري يفهم ان الكلمة الطيبة تهدم جبل
بدر : و كيف كان انتقالك لصيادين ؟
معاذ : انتقال عادي مليئ بالمباركات
بدر : و هل ترى ان الانتقال ترقية ام عقوبة
معاذ : هههههه لو تدري اني رافض الزواج من اليوم .. احسها بتكون الثانية يا ولد
بدر : طيب كيف شعورك الحالي في فريق الصيادين
معاذ : عادي وسيناريو متكرر
بدر : كويس بديت تفهم الجو يعني ، هل ترى ان الضغط اكبر في فريق الصيادين ؟
معاذ : طبعا ضغط شديد بحكم ان التذاكر ما توقف فيجب انك تتواجد على مدار ال24 ساعه فاكيد ضغطه كبير جدا لكن ما زال في خدمة النسخة فعادي
بدر : كم ساعات دخولك للوحة يوميا ؟
معاذ : ممم طول اليوم اللوحة مفتوحة بس كل 3 ساعات تقريبا اتواجد ساعه باللوحة الا في حال انشغلت وخرجت فهنا اخد وضعية العامري ♡
بدر : شو تقصد بالعامري ؟
معاذ : السحبة العظيمة
كيفااز : معاذ تعتبر المشرف لما يروح صياد ترقيه ولا نكبه ؟
معاذ : اكيد نكبة .. وعظيمة كمان
كيفااز : ليش الصياد منكوب ؟
معاذ : اسلام الله يهديه نكب فينا واصلا النسخة تقوم على اداء الصياد فضرةري يتواجد باغلب الاوقات ويتحمل جميع الطباع من الناس خصوصا ان اغلب التذاكر حظر
في لاعبين يبدأوا يسبوا ويشتموا فالصياد عبارة عن فريق النفس الاطول
بدر : كم تذاكرك اليومية تقريبا ؟
معاذ : تقريبا يطلعون ال30 او 25
بدر : اغلب محتواها يكون ؟
معاذ: معارضات حظر وتذاكر ترك وطرد من القبيلة
بدر : في رأيك من نبض فريق الصيادين ؟ طبعا غير سمو معالي الدكتور الاستاذ اسلام الكسواني
معاذ : كلهم شغالين يعطيهم العافية
وكل شخص له اسلوبه الخاص في الرد فانا في غنى عن تحديد شخص
بدر : طيب مين سندك في اللعبه
معاذ : بدر ♡
كيفااز : متى تستقيل ؟
معاذ : اخد وضعية فهاد لما يمل مني اسلام هو يطردني اما انا فماني مستقيل
بدر : كلمة اخيره تقولها للمشاهد ؟
معاذ : كن من تكون بس لا تحاول تكون بدر
__________
في الختام نشكر الضيف على قبول الدعوة وانتظرونا في الحلقة القادمة
في أمان الله
في الختام نشكر الضيف على قبول الدعوة وانتظرونا في الحلقة القادمة
في أمان الله
