سأبدء حكـآيتي المليـئه بالأثـآره مـع أختلاف كبـير للـروتيـن
وسـأرويهآ لككم مـن بـآب المـلل وتنشـيط المدونه من أجلككم احبآئي
قبـل خمسه أيـآم أي يوم الخميـس الذي طـآف دقـت برآسي اسحب على ابو الرياض وارجع للحفر <يالأخو وين الفصحه !
وشغلت سيـآرتي الروز رآيز مـآسكك خط الحفـر تبـآلين للمره رقم 15 بثلاث شهور <<كديت الروز قهر كانت بتجيب قيمه
ومشيت الظهر الساعه 1 تقريبا بتوقيت المملكه ووصلت هنـآك حول 6 المغرب مقبله على العشآء <اخس
وسلمت على اهلي وتقهويت واعتشت من هنآك
ويوم صلينا العشـآء قـآلي الشآيب خلك بالمشب وشب نـآرك واستانس وبالفعل تكيت هناك
وخلص علي الحطب واضطريت اطلع استارحتنا ومراح البل الي بالوادي الاخضر عشان اجيب حطبتين <فضاوه مثل فضاوتي ذي
ومشيت وقبل ماطلع من المدينه العسكريه حقت الملك خالد الي جنوب الحفر بـ65 ك
شميت ريحة شي يطبخ وعرفت على طول ان الكبوت فيه شبه خفيفه طراها الحطب <على كيفي وش تبي
واصلا عنددي خربانه بايع موتري بـ×× ومشيت ومستانس داري انه بيتغير الروتين اكثر واكثر
وفجأه ومن دون أن اعلم طفى الموتر <ياشيخ يعني اني مدري
واجلس على الكبوت بنص الوادي الاخضر واشغل كمال حمدي يوم انه يقوول
فكني لله ياليل العذذاب وخرابيطه واعطيها جو الحزين الي تمقلب وفجاه اقطع الفلم بـCut
واصور الروس رايز بوضعيته وادق على العيال واسحب عليه لوول
صوره للروز محترق سيرها ومجيمه بكره الكمبروسر الله يعافيه
نكمل الحلقه القـآدمه
To be continue in next epsoide
ودقيت على العيـآل وجوني ولذعوا من محلي
وحققوا معاي شوي واحد منهم يحسبني سكران والله بريئ
المهم علمتهم بالحطبتين وللحين ماصدقوا بكيفهم المهم
وقالوا العيـآل <<تروا هم اثنين أبو حزآم وابومرضي وواحد يقال له سلوكه <اسم غريب ادري < عندي لقب بينهم مخيف جدا مو راكب علي اصلا بس سلك سلك
المهم واطلع معهم واسحب على البيت وطلعه للبر قهوه وعلوم وسوالف متانيخ
خلونا نشوف صور الجلسه
سؤال
لمـآذا المنـآفقون اقصد بكلامي الفئه الـتي تظهر المثـآليه وتدعيهـآ تنآل ماتريد
بينمـآ بالناحيه الاخرى الفئه الصـآدقه يؤخذ حقهـآ ؟
هـل العـآلم يريد منـآ أن ندعـي ان نكون مـآلسنآ عليه للحصول على ماهو حق لنآ
سحقـآ لهذا النظآم
هذا الموقع يستخدم ملفات تعريف الارتباط (الكوكيز ) للمساعدة في تخصيص المحتوى وتخصيص تجربتك والحفاظ على تسجيل دخولك إذا قمت بالتسجيل.
من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.