بسم الله الرحمن الرحيم
الحمد لله والصلاة والسلام على من لا نبي بعده ،،، أما بعد ...
في الحقيقة هذا أول موضوع لي بمنتدى حرب القبائل من فترة ،، ولولا المصخرة اللي صايرة من بعض الأطفال في هذا العالم كانت ما كتبت، ولكن هو من باب العلم خصوصاً لبعض أعضاء قبيلة WANTED.
بداية أحب أشكر الأخ كيفااز على إقتراحه في موضوع ( قيادات العالم تتفق ) ، وحقيقة الأمر إن مثل هذي الأفكار هي اللي محتاجينها للإستمرار في لعب هذي اللعبة، ولكن لا تزال عقليات بعض الأطفال لا تنمو مع مرور الأيام.
بداية ما سجلت في هذا العالم ودخلت مع قبيلة WANTED ( طبعا الفرع ) إلا وأنا كنت شاك إني ما بطول فهذا العالم بسبب عقلية اللي يقولوا عن نفسهم ( القيادة ) مدري هو مرض ولا حب القيادة والتسلط.
عموما من بداية العالم قام اللاعب Ss96 بنتف القائد الفذ المغوار يوتشيها مادارا وخويه القائد الأول Killua Zuldak شوي والا تجي صافرات الإنذار مدويه طالبة الدعم السريع لقرية يوتشيها مادارا بعد ما فضحهم المهاجم ومرمطهم ونشر غسيلهم برسالة لجميع أعضاء القبيلة..
طبعا يوتشيها مادارا ما سكت، إلا كل يوم يطلب الدعم لقريته + الهجوم على اللاعب ( مع إن المهاجم كان أقل منه نقاط ).
يوتشيها مادارا كل يوم يرسل رسالة تهديد
( اللي ما يرسل دعم بيصير كيكه )
( اللي ما يهجم يصير كيكه )
( بكره تفتيش واللي ما يرسل حضانه راح يصير كيكه )
( اللي ما يزيد نقاطه راح يصير كيكه )
( اللي ما يدرب دفاع مصيره كيكه )
( اللي ما يدرب هجوم مصيره كيكه )
( اللي ما يكون كيكه مصيره يكون كيكه )
يا رجال صلي على النبي العالم توه بادي ( بس الظاهر إن نكه الطفولي مأثر عليه وعايش الدور ).
نجي لموضوع الإحتلال: بعد ما إحتل هو قريه نقاطها أقل من 700 وخويه captain black777 واللي طبعا إحتل قريتين نقاطهن أقل من 600، قام القيادي المحنك مستر مادارا بمنع إحتلال أي قريه بربريه نقاطها أقل من 1000 وطبعا ما راح تحصل ف هذا الوقت.. والجميع شايف حسابات اللاعبين The villains واللاعب IIP MAN ف عالم 55 قايمه على إحتلال البربر وهذا اللي وصلهم للقمه.
وفي النهاية للأسف يجي الطفل ابوجارح ( وهذا واضح من إسم قريته ) ويرسل طلب صداقه وأنا على نياتي وافقت ( بس النيه كانت مبيته عشان يشوف متى أكون متصل ولا لا ) ويأكد السالفة رسالة اللاعب فاقد السدعي عشان يتأكد هو بعد إني داخل اللعبه ولا لا عشان يهجموا علي الإثنين ويحتل القرية ابوفارح في حين غفلة.
وأنا أقول لأعضاء WANTED إنكم ما راح تطولوا وهذا لعبكم ( تحتلوا بعضكم وكل واحد وده يتطور على حساب ربعه ) لأنكم بين فكين كماشة من الجهتين ( إلا إذا صار السيناريو المعتاد تندمج قبيلتين ويتحالفوا مع الثالثة ضد الرابعة وهلم جرا ).
للأسف اللعبة صارت مملة بهذا الشكل وإن شاء الله المعمر 5 راح يكون أخر عالم لي فهذي اللعبة وبالتوفيق للجميع.
بسم الله الرحمان الرحيم
يا حبب قلبي قرأة هذا الموضوع لدرجة انه اثر علي هل تعلم لماذا يا الغالي لاني مارست اللعبة و لعبت فيها في عدة مراحل قد اتفق معك في ما تقوله لكن فل تعلم ان اللعبة تتغير مع مرور الوقت لتغير العقليات هل تعلم اني لعبت لعبة حرب القبائل و تعلمت منها بعد ان بدات ادرس لاعبيها و هذا ما حعلني استطيع مسايرتها عبر العصور عقليات هذا العصر اصبحت معقدة
فل نفترض ان العالم 56 سيسير على نهج روتين العوالم السابقة اذن بما اننا نعلم ذلك مسبقا لما نتضاهر و نتناحر في ما بيننا عى شي نحن مسبقا نأمن به بالله عليكم و كلامي موجه للقبائل الاربع في هذا العالم لما لا تقلبوا الروتين و لتلغوا كل الاتفاقيات و التحالفات و لتحاول كل قبيلة السيطرة على العالم و لتبدا كل قبيلة بنهش العالم تحت شعار لا حليف و لا ميتاق و تخلقوا حربا اسطورية يتذكرها عالم ٥٦
هل هذا شي صعب لا احتاج لردود بل احتاج لمن يقتنع بالفكؤة و يدخل لساحة الميدان
تحياتي للكل
النوب الكبير
